កម្ពុជាបានប្រកាសបន្តទម្លាក់ការព្យាករណ៍កំណើនសេដ្ឋកិច្ចបន្ថែមមួយកម្រិតបន្តិចទៀត សម្រាប់ការព្យាករណ៍ថ្មីដែលចេញដោយក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៩ ខែសីហា ឆ្នាំ២០២៦នេះ ។
របាយការណ៍ស្តីពីលទ្ធផលនៃការអនុវត្តថវិកានៅឆមាសទី១ និងការវាយតម្លៃលើការអនុវត្តច្បាប់ស្តីពីហិរញ្ញវត្ថុ ឆ្នាំ២០២៦ បានបង្ហាញថា កំណើនផលិតផលក្នុងស្រុកសរុបនៅឆ្នាំ២០២៦ ត្រូវបានបន្តទម្លាក់ចុះពី៤,២ភាគរយ មកនៅត្រឹម ៤,១ ភាគរយបន្តទៀត ។
ការធ្លាក់ចុះនៃការព្យាករណ៍អំពីកំណើសេដ្ឋកិច្ចនេះ បណ្តាលមកពីការកើនឡើងនូវតម្លៃប្រេងឥន្ធនៈដែលបណ្តាលមកពីជម្លោះនៅមជ្ឈិមបូព៌ា ជម្លោះព្រំដែនជាមួយប្រទេសថៃ ស្ថានភាពសេដ្ឋកិច្ចពិភពលោក និងផលប៉ះពាល់ជាប់លាប់នៃបញ្ហាស្កែមអនឡាញ ។
សេដ្ឋកិច្ចកម្ពុជាពឹងផ្អែកយ៉ាងខ្លាំងទៅលើវិស័យកសិកម្ម ទេសចរណ៍ អចលនទ្រព្យ សំណង់ និងការនាំចេញសម្លៀកបំពាក់ ស្បែកជើង និងទំនិញធ្វើដំណើរ ប៉ុន្តែយ៉ាងណាក្រៅពីកសិកម្ម និង ពាណិជ្ជកម្ម វិស័យផ្សេងៗដែលទ្រទ្រង់កំណើន គឺសុទ្ធតែធ្លាក់ចុះ ។
ចែករំលែកព័តមាននេះ