រកឃើញហើយ! ស.ពកូនម្ចាស់ទូកនេសាទ បា.ត់ខ្លួនក្នុងករណីឆេះទូកនេសាទសមុទ្រ កាល២ថ្ងៃមុន
- ព្រះសីហនុ
ខេត្តព្រះសីហនុ ៖ លោកអនុសេនីយ៍ឯក អាង សុថៃនាយនគរបាលប៉ុស្តិ៍រដ្ឋបាលឃុំកំពេញនៃអធិការដ្ឋាននគរបាលស្រុកស្ទឹងហាវ បានឲ្យដឹងតាមទូរស័ព្ទនៅព្រឹកថ្ងៃទី១៧ ខែសីហា ឆ្នាំ ២០២៦ ថា នៅវេលាម៉ោង១១និង៣០នាទីយប់ថ្ងៃទី១៦ ខែ សីហា ឆ្នាំ២០២៦ មានករណីទូកនេសាទ០១គ្រឿងកំពុងតែនេសាទស្រាប់តែផ្ទុះឆាបឆេះបង្ករជាអគ្គីភ័យបណ្តាលឲ្យលិចបាត់ភ្លាមៗតែម្តង ដែលហេតុការនេះបានកើតឡើងនៅត្រង់ចំនុច(កោះដូង) ស្ថិតក្នុងភូមិ០២ ឃុំកំពេញ ស្រុកស្ទឹងហាវ ខេត្តព្រះសីហនុ ក្នុងនោះមានមនុស្សចំនួន៥នាក់នៅលើទូកនេសាទដែលមានឈ្មោះដូចខាងក្រោមនេះ
១-ឈ្មោះ សៅ គ្រិន (ម្ចាស់ទូក) ភេទប្រុស អាយុ៥៤ឆ្នាំ រស់នៅភូមិ៤ឃុំអូរត្រេះ ស្រុកស្ទឹងហាវ ខេត្តព្រះសីហនុ ( បានស្លាប់ )។
២-ឈ្មោះ អុិន ចាន់ ភេទប្រុស អាយុ៤៩ រស់នៅ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ(ត្រូវបានជួយសង្គ្រោះ)។
៣-ឈ្មោះ ឈិន សុខុម ភេទប្រុស អាយុ២៩ រស់នៅ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ (ត្រូវបានជួយសង្គ្រោះ) ។
៤-ឈ្មោះ សៅ រ័ត្ន ភេទប្រុស អាយុ២៥ រស់នៅ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ (បាត់ខ្លួន).។
៥-ឈ្មោះឃិន សំបូរ ភេទប្រុស អាយុ៤៩ រស់នៅ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ(បាត់ខ្លួន)។
លោកអនុសេនីយ៍ឯកអាង សុថៃបានបញ្ជាក់ឲ្យដឹងថា តាមការសាកសួរជនរងគ្រោះដែលជាកម្មករទូកនេសាទខាងលើបានឲ្យដឹងថា ទូកនេសាទខាងលើបំពាក់ដោយម៉ាស៊ីនគោយន្តហើយមុនពេលកើតហេតុ ទូកកំពុងតែនេសាទដាក់រនងខ្យងដូងយកមឹកស្រាប់តែលាន់សម្លេងផ្ទុះឮសូរយ៉ាងខ្លាំងចេញពីក្បាលអាគុយ ក៍បង្កជាអណ្តាតភ្លើងឆាបឆេះប្រេងដែលមាននៅក្នុងទូក ធ្វើឲ្យម្ចាស់ទូកនិងកម្មករភ័យស្លន់ស្លោរកម្មករនាំគ្នាលោតចូលទៅក្នុងទឹក ដោយឡែកម្ចាស់ទូកឈ្មោះ សៅ គ្រិន ត្រូវបានភ្លើងឆាបឆេះរងរបួសធ្ងន់មិនអាចជួយសង្គ្រោះបានរហូតដល់ស្លាប់បាត់បង់ជីវិត។
ប្រភពខាងលើបានបញ្ជាក់ឲ្យដឹងបន្ថែមទៀតថា នៅពេលកំពុងកើតហេតុក៍មានទូកនេសាទកំពុងតែនេសាទក្បែរគ្នាបានមកជួយសង្គ្រោះតែជាអកុសលមិនអាចជួយបានទូកបានឆាបឆេះលិចបាត់ទៅបាតសមុទ្រដោយជួយសង្គ្រោះបានមនុស្សចំនួន៣នាក់និងបាត់ខ្លួនចំនួន២នាក់ មកទល់ពេលនេះកម្លាំងនគរបាលបង្ក្រាបទល្មើសលើផ្ទៃសមុទ្រកំពុងតែប្រតិបត្តិការក្នុងការរុករកយ៉ាងយកចិត្តទុកដាក់.។
តាមព័ត៌មានចុងក្រោយបានឱ្យដឹងថា សពកូនម្ចាស់ទូកនេសាទឈ្មោះសៅ រត្ន័ ត្រូវបានរកឃើញនៅវេលាម៉ោង៣និង៣នាទីរសៀលថ្ងៃទី១៧ ខែ សីហា ឆ្នាំ ២០២៦ នៅចំណុចនិយាមកាលេខ៤៦,៣៤UTM ត្រូវបានប្រគលជូនក្រុមគ្រួសារយកទៅធ្វើបុណ្យរួមគ្នាជាមួយសពឪពុក តាមប្រពៃណី.៕
ចែករំលែកព័តមាននេះ