បង្ក្រា.បក្មេងទំនើងបង្ហោះម៉ូតូលើផ្លូវសាធារណៈបាន៥នាក់
- ភ្នំពេញ
រាជធានីភ្នំពេញ ៖ ក្រុមក្មេងទំនើង៥នាក់ តែងតែបានធ្វើសកម្មភាព បង្ហោះម៉ូតូតាមដងផ្លូវសាធារណៈ ត្រូវបានកម្លាំងអាវុធហត្ថខណ្ឌដង្កោ សហការជាមួយនឹងកម្លាំងអាវុធហត្ថរាជធានីភ្នំពេញ ធ្វើការឃាត់ និងធ្វើការអប់រំ នៅវេលាម៉ោង ០១និង៣០នាទីរំលងអាធ្រាត្រឈានចូលថ្ងៃទី១៦ ខែសីហា ឆ្នាំ២០២៦ នៅចំនុចផ្លូវបេតុង ភូមិជើងឯក សង្កាត់ជើងឯក ខណ្ឌដង្កោ រាជធានីភ្នំពេញ ។
កម្លាំងអាវុធហត្ថ បានអោយដឹងថា មុននិងឃាត់ខ្លួនក្រុមក្មេងទំនើងទាំងនោះ គឺកម្លាំងអាវុធហត្ថខណ្ឌដង្កោ បានធ្វើការ ល្បាតទប់ស្កាត់បទល្មើស ក្នុងមូលដ្ឋានរបស់ខ្លួន លុះមកដល់ចំនុចផ្លូវបេតុង ភូមិជើងឯក សង្កាត់ជើងឯក ខណ្ឌដង្កោ ក៍ប្រទះក៍ប្រទះឃើញក្រុមក្មេងទំនើងទាំងនោះ កំពុងតែជិះម៉ូតូបង្ហោះតាមផ្លូវសាធារណៈ ដែលអាចបង្កឲ្យមានគ្រោះថ្នាក់ដល់អ្នកដ៍ទៃ និងបាត់បង់សណ្តាប់ធ្នាប់សាធារណៈ ទើបកម្លាំងមូលដ្ឋានខណ្ឌដង្កោ សហការជាមួយនឹងកម្លាំងអាវុធហត្ថរាជធានីភ្នំពេញ បានធ្វើការបង្ក្រាបក្រុមក្មេងទំនើង ដែលតែងធ្វើសកម្មភាពបង្ហោះម៉ូតូតាមផ្លូវ និងបានឃាត់ខ្លួនក្មេងទំនើង ០៥នាក់ភ្លាមៗ និងម៉ូតូ២គ្រឿង យកមកធ្វើការអប់រំ ធ្វើកិច្ចសន្យាបញ្ឈប់រាល់សកម្មភាពទំនើងដែលនាំឲ្យប៉ះពាល់ដល់ការសិក្សា បំផ្លាញទ្រព្យសម្បត្តិក៏ដូចជាកិត្តិយសគ្រួសារ ព្រមទាំងបង្ករការភ័យខ្លាចដល់អ្នកជុំវិញ បង្កភាពអនាធិបតេយ្យក្នុងសង្គម ផងដែរ ។
ករណីនេះផងដែរ ម៉ូតូ២គ្រឿង ត្រូវបានកម្លាំងអាវុធហត្ថខណ្ឌដង្កោបានបញ្ចូនទៅបញ្ជាការដ្ឋានកងរាជអាវុធហត្ថរាជធានីភ្នំពេញ តាមបទបញ្ជាដ៏ម៉ឺងម៉ាត់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលធ្លាប់មានប្រសាសន៍កន្លងមកពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឲ្យបានតឹងរឹងបំផុត ទាំងវិធានការរដ្ឋបាល និងវិធានការច្បាប់ ពិសេសក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សារទុករយៈពេលបីខែចំពោះការប្រព្រឹត្តលើកទីមួយ និងប្រាំមួយខែប្រសិនបើមិនរាងចាល នៅតែប្រព្រឹត្តលើកទី២បន្តទៀត៕
ចែករំលែកព័តមាននេះ