សង្គ្រាមអ៉ីរ៉ង់ ៖ នាយសេនាធិការកងទ័ពអ៉ីរ៉ង់ប្រកាស នាថ្ងៃទី១៦ សីហា ថា រង្វាន់មានទឹកប្រាក់៣០.០០០ដុល្លារនឹងផ្ដល់ដល់មនុស្សទាំងឡាយណា ដែលចាប់បានឬសម្លាប់ទាហានអាមេរិកម្នាក់ ។ ប្រសិនបើសកម្មភាពបែបនោះ ធ្វើបានសម្រេចដោយនារីម្នាក់វិញ នោះប្រាក់រង្វាន់នឹងបង្កើនទ្វេដង ។
នាយសេនាធិការកងទ័ពអ៉ូរ៉ង់ឧត្ដម សេនីយអាមៀហាតាមីអះអាងថា ការសម្រេចបែបនោះត្រូវបានប្រកាន់យក បន្ទាប់ពីមានសំណើជាច្រើនរបស់បណ្ដាមនុស្សដែលចង់រួមចំណែកបរិចាគទឹកប្រាក់រង្វាន់បែបនោះ។ នេះបើតាមសេចក្ដីរាយការណ៍របស់ទីភ្នាក់ងារព័ត៌មានផ្លូវការអ៉ីរ៉ងIRNA ។ នាយសេនាធិការរូបនោះបន្តទៀតថា ជនណាក៏ដោយដែលអាចសម្លាប់ឬចាប់បានទាហានអាមេរិកម្នាក់ ហើយប្រគល់ដល់កងទ័ពអ៉ីរ៉ង់ នឹងទទួលបានប្រាក់រង្វាន់ស្មើនឹង៣០.០០០ដុល្លារ ។ ប្រាក់រង្វាន់នេះនឹងបង្កើនទ្វេដងសម្រាប់នារី។
ពុំមានកងទ័ពអាមេរិកដាក់ពង្រាយនៅលើដីក្នុងប្រទេសអ៉ីរ៉ង់ឡើយ អំឡុងសង្គ្រាមនៅមជ្ឈឹមបូព៌ាលើកលែងតែអំឡុងពេលបេសកកម្ម កាលពីខែមេសា ជួយសង្គ្រោះអ្នកបើកយន្តហោះអាមេរិកម្នាក់ដែលអ៉ីរ៉ង់បាញ់ធ្លាក់។ សង្គ្រាមរវាងអាមេរិក និងអ៉ីរ៉ង់ ផ្ទុះឡើងពីថ្ងៃទី២៨ កុម្ភៈ មក តាមរយៈការវាយប្រហាររួមគ្នារបស់អាមេរិក និងអ៉ីស្រាអែល ប្រឆាំងអ៉ីរ៉ង់ ដែលបានតបតវិញ ដោយវាយប្រហារបណ្ដាប្រទេសនៅតំបន់ឈូងសមុទ្រពែរ្ស៍ដែលមានមូលដ្ឋានយោធាអាមេរិក។
បទឈប់បាញ់គ្នាមួយត្រូវបានចុះហត្ថលេខាកាលពីខែមេសា បន្ទាប់មកមានការចុះហត្ថលេខានាខែមិថុនា កិច្ចព្រមព្រៀង
ក្របខណ្ឌមួយទៀត សំដៅធ្វើការចរចាសន្តិភាពតែអ្វីទាំងអស់នោះត្រូវបានរលាយអស់ ។ ចាប់តាំងពីពេលនោះមកអីុរ៉ង់និងអាមេរិក បានវាយប្រហារគ្នាម្ដងមួយយាម ដែលផ្ដោតជាពិសេសនៅច្រកសមុទ្រហ័រមូស ៕
ចែករំលែកព័តមាននេះ