ប៉ូលីសស្រុកជីក្រែង ចុះបង្ក្រាបល្បែងជ.ល់មាន់ ក្រុមអ្នកលេងរត់កាត់តាមវាលស្រែ បាតជើងសព្រាត
- សៀមរាប
ខេត្តសៀមរាប៖កម្លាំងនគរបាលស្រុកជីក្រែង បានចុះបង្ក្រាប ល្បែងស៉ីសងខុសច្បាប់ (ជល់មាន់ថ្មង)មួយកន្លែង នៅក្នុងព្រៃ ទៅតាមការផ្តល់ព័ត៌មានពីប្រជាពល រដ្ឋ ដែលបានឃើញ ផ្ទាល់ភ្នែក ខណៈសមត្ថកិច្ចចុះទៅដល់ទីតាំង ត្រូវបាន អ្នកលេង នាំគ្នារត់គេចខ្លួនបាត់។ប្រតិបត្តិការចុះបង្ក្រាបនេះបានធ្វើឡើងនៅថ្ងៃទី១៥ ខែ សីហា ឆ្នាំ២០២៦ ត្រង់ចំណុចដីទុកចោល មួយកន្លែង ក្នុង ភូមិបេង ឃុំជីក្រែង ស្រុកជីក្រែង ខេត្តសៀមរាប។
បើតាមប្រភពពីសមត្ថកិច្ចមូលដ្ឋានបានឱ្យដឹងនៅរសៀល ថ្ងៃទី១៦ ខែសីហា ឆ្នាំ២០២៦ នេះថា ដោយមានបទបញ្ជា និងចង្អុលបង្ហាញពីលោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានឱ្យលោកវរសេ នីយ៍ឯក តាំង លីហេង អធិការ នៃអធិការដ្ឋាននគរបាលស្រុកជីក្រែងដឹកនាំកម្លាំងនគរបាលស្រុកជីក្រែង ចុះបង្ក្រាបករណីបទល្មើសល្បែងស៊ីសងខុសច្បាប់គ្រប់ប្រភេទដូចភ្លៀងរលឹម។
ជាក់ស្តែង ល្បែងមាន់ជល់ភ្នាល់ដាក់ប្រាក់ធំៗ ដោយមានអ្នកមើលការទទួលខុស ត្រូវល្បែងស៊ីសងខុសច្បាប់ដោយឈ្មោះ សល់ ខណៈពេលសមត្ថកិច្ចចុះទៅជិតដល់ ទីតាំងកើត ហេតុក៏នាំគ្នារត់គេចខ្លួនបាត់អស់តាមវាលស្រែបន្សល់ ទុក នូវវត្ថុតាងប៉ុណ្ណោះ ហាក់ បីដូចជា ពួកគេដឹងខ្លួនជាមុន ។
ប្រភពបន្តថា ក្នុងប្រតិបត្តិការបង្ក្រាបល្បែងសុីសងខុស ច្បាប់ (មាន់ជល់)0១កន្លែងត្រង់ចំណុចដីទុកចោល ដោយនសារក្រុមអ្នកជល់មាន់បានដឹងខ្លួនមុន រួចរត់គេចខ្លួនតាមវាលស្រែអស់ ដោយបន្សល់ ទុកវត្ថុតាងដូចខាងក្រោមះ ដកហូតវត្ថុតាងរួមមាន -សង្វៀនស៊ុមាន់ចំនួន ០១-កៅអី ចំនួន ១៣ កៅអី-ម៉ូតូ១គ្រឿង។ចំពោះឈើរនាំងសម្រាប់ដាក់ស៊ុមាន់កម្លាំងនគរបាលស្រុកយើងបានដុតបំផ្លាញចោលនៅហ្នឹងកន្លែងកើតហេតុ។
បច្ចុប្បន្ន ឈ្មោះ សល់ ដែលជាម្ចាស់សង្វៀនជល់មាន់ កម្លាំងយើងកំពុងស្រាវជ្រាវ ដើម្បីស្វែងរកចាប់ខ្លួនយកមកអនុវត្តតាមនីតិវិធីច្បាប់៕
ចែករំលែកព័តមាននេះ