អាណិតណាស់! ទារកម្នាក់ ត្រូវគេយកទៅប្លុងចោលនៅមុខហ្គារ៉ាសឡានមួយកន្លែង ក្នុងក្រុងសៀមរាប
- សៀមរាប
ខេត្តសៀមរាប៖ ទារកម្នាក់ ទើបតែកើតចេញពីផ្ទៃម្តាយ មិនទាន់ទាំងកាត់ទងផ្ចិតផង ត្រូវបានគេយកទៅប្លុងចោល នៅមុខកាហ្គាសរថយន្ត ហេង ឡុង តាមបណ្តោយផ្លូវ ចុងកៅស៊ូ បង្កឱ្យមានការភ្ញាក់ ផ្អើលទាំងព្រឹក ខណៈពេលនោះ ឃើញមានបងប្អូនប្រជាពលរដ្ឋនាំគ្នាចោមរោមមើលជាច្រើន ត្រូវបានប្រជាពលរដ្ឋចិត្តធម៌ ដឹកយកទៅមណ្ឌល សុខភាពជ្រាវ ក្នុងសង្កាត់ជ្រាវ ដើម្បីកាត់ទងផ្ចិតចេញ និងពិនិត្យសុខភាព រួចសុំការអនុញ្ញាតពីសមត្ថកិច្ចយកទៅបីបាច់ថែរក្សាទុកដូចជាកូនបង្កើត ។
ហេតុការណ៍ភ្ញាក់ ផ្អើល នេះបានកើតឡើង នៅវេលាម៉ោង ៧ ព្រឹក ថ្ងៃទី ១៦ ខែសីហា ឆ្នាំ ២០២៦ ដែលមានទីតាំងស្ថិតនៅមុខ កាហ្គាសរថយន្ត ហេង ឡុង តាមបណ្តោយផ្លូវ ចុងកៅស៊ូ ក្នុងភូមិតាវៀន សង្កាត់សាលាកំរើក ក្រុង សៀមរាប។
បើតាមពីសមត្ថកិច្ចមូលដ្ឋាន បានប្រាប់ឱ្យដឹងនៅវេលាម៉ោង ១ និង ៤៥ នាទី ថ្ងៃទី ១៦ ខែ សីហា ឆ្នាំ២០២៦ នេះថា ទារក ដ៏កំសត់នេះត្រូវ ឪពុក ម្តាយយក ទៅ ប្លុងចោល នៅតាមដងផ្លូវ មុខ កាហ្គាសរថយន្ត ហេង ឡុង ស្ថិត នៅ តាមបណ្តោយផ្លូវជាតិ (ចុងកៅស៊ូ ) ខណៈពេល នោះ ដែលមានបងប្អូនប្រជាពល រដ្ឋនាំគ្នាមកចោមរោមមើល ក៏មានចិត្តអាណិត ប្រោសប្រណី ជួយ សង្គ្រោះដោយទៅមណ្ឌល សុខភាពជ្រាវ សង្កាត់ជ្រាវ ក្រុង ខេត្តសៀម រាប ហើយ ក៏មាន ២ នាក់ ប្តីប្រពន្ធសុំការអនុ ញ្ញាតពីសមត្ថកិច្ច ដើម្បីយកទៅចិញ្ចឹមទុកដូចជារបស់គាត់ ។
បច្ចុប្បន្ន ទារកទើបតែកើតមក ហើយដែល ឪពុកម្តាយ យក ទៅ ប្លុងចោល នៅតាមដងផ្លូវ នោះ ខណៈពេលនេះ លែង កំសត់ ទៀតហើយ ដោយសារត្រូវបានប្រជាពលរដ្ឋចិត្តធម៌ មានចិត្តសណ្តោសប្រោសប្រណី យកទៅ ចិញ្ចឹម បីបាច់ថែរក្សាទុកដូចជា កូនបង្កើត របស់ ពួកគាត់ បាត់ហើយ ៕
ចែករំលែកព័តមាននេះ