ប្រទេសកូរ៉េខាងជើង ៖ ខណៈសល់ពេលប៉ុន្មានថ្ងៃទៀត ដល់ពេលចាប់ផ្ដើមសមយុទ្ធយោធារួម រវាងកូរ៉េខាងត្បូងនិងអាមេរិក ក្រុងព្យុងយ៉ាង បានបញ្ចេញការគំរាម កាលពីថ្ងៃទី១៣ សីហា ក្រសួងការបរទេសកូរ៉េខាងជើងលើកឡើងថា ក្រុងព្យុងយ៉ាងអាចពង្រឹងបណ្ដាវិធានការ ដើម្បីឆ្លើយតបចំពោះសមយុទ្ធយោធារួមប្រចាំឆ្នាំនោះ ដែលគ្រោងធ្វើចាប់តាំងពីថ្ងៃទី១៧ សីហា
ទៅ ។
មានឈ្មោះថា ULCHI FREEDOM SHIELD សមយុទ្ធនោះ ត្រូវធ្វើរយៈពេល១១ថ្ងៃ ដោយមានការចូលរួមរបស់ទាហានកូរ៉េខាងត្បូង១៨.០០០នាក់ និងបណ្ដាទាហាន មកពីកងទាហានអាមេរិក២៨.៥០០នាក់ ដែលស្ថិតនៅកូរ៉េខាងត្បូង។ ក្រុងវ៉ាស៊ីនតោន និងក្រុងសេអ៊ូលបានហៅសមយុទ្ធរួមនោះថា ជាមធ្យោបាយរៀបចំកិច្ចការពារ ប្រឈមមុខនឹងកូរ៉េខាងជើងដែលមានអាវុធនុយក្លេអ៊ែរ ។
សម្រាប់ក្រុងព្យុងយ៉ាងវិញចាត់ទុកសមយុទ្ធនេះថា ជាការគំរាមកំហែងដោយផ្ទាល់មួយ ។ ក្រសួងការបរទេសកូរ៉េខាងជើង
លើកឡើងថា នោះជាការគំរាមកំហែងដោយផ្ទាល់ ព្រោះជាការរៀបចំសម្រាប់សង្ក្រាមឈ្លានពានមួយ និងជាការប្រឈមមុខខាងយោធាទ្រង់ទ្រាយធំមួយជាមួយកូរ៉េខាងជើង ។
កាលពីថ្ងៃទី១២ សីហា កូរ៉េខាងជើងបានសម្ដែងរួចហើយ ពីការប្រឆាំងរបស់ខ្លួនចំពោះសមយុទ្ធនោះ ដោយបាញ់មីស៊ីលបា
លីស្ទិក១គ្រាប់ទៀត កាត់ពីលើសមុទ្រជប៉ុន។ នោះជាមីស៊ីលបាលីស្ទិកទី២ ដែលកូរ៉េខាងជើងបានបាញ់ចន្លោះពេលគ្នាមិនដល់១សប្ដាហ៍ផង ។ ក្រុងព្យុងយ៉ាងអះអាងថា ខ្លួននឹងមិនអត់ឱនដាច់ខាត ចំពោះសភាពការណ៍នៃការបង្កើនការប្រឈមមុខដាក់គ្នា។
យោងតាមបណ្ដាអ្នកជំនាញការថា កូរ៉េខាងជើងតែងប្រើសមយុទ្ធយោធារួមរបស់អាមេរិក និងកូរ៉េខាងត្បូងជាលេសសម្រាប់បង្កើនសកម្មភាពសាកល្បងអាវុធរបស់ខ្លួន ៕
ចែករំលែកព័តមាននេះ