ប្រទេសអ៊ីតាលី ៖ ការផ្ទុះឆេះមួយកើតមាន កាលពិថ្ងៃទី១៣ សីហា ក្នុងរោងចក្រផលិតគ្រាប់មួយកន្លែង នៅ COLLEFERRO ជាមូលដ្ឋានមួយស្ថិតនៅចម្ងាយប្រមាណជា៤០គីឡូម៉ែត្រភាគអាគ្នេយ៍ក្រុងរ៉ូម ។ នេះជាការគូសបញ្ជាក់របស់កងទ័ពអ៊ីតាលី ។
រោងចក្រនោះជារបស់ក្រុមហ៊ុនការពារអាល្លឺម៉ង់ KNDS ជារោងចក្រផលិតគ្រាប់ទំហំមធ្យម និងទំហំធំ សម្រាប់កងទ័ពជើងគោក និងជើងទឹក ព្រមទាំងឥន្ធនៈរឹងសម្រាប់កាំជ្រួចអវកាស ។ បណ្ដាទាហាន និងពួកអ្នកពន្លត់ភ្លើងបានបញ្ជូនទៅកាន់ទីនោះ ពេលមានការផ្ទុះ និងភ្លើងឆាបឆេះ។
បណ្ដារូបភាពផ្សាយតាមបណ្ដាញសង្គមបង្ហាញផ្សែងខ្មៅ និងអណ្ដាតភ្លើងជះឡើងលើមុនមានការផ្ទុះដ៏ខ្លាំង ។ ការផ្ទុះកើតមានដំបូងនៅផ្នែកច្រករំសេវរបស់រោងចក្រ ។ ស្នូរផ្ទុះលាន់ឮក្នុងរង្វង់ច្រើនគីឡូម៉ែត្រ ហើយប្រតិបត្តិការរុករកត្រូវបានធ្វើដើម្បីធានាថាពុំមានជនរងគ្រោះឡើយ ៕
ចែករំលែកព័តមាននេះ