ស្លា.ប់អ្នកបើកកង់បីម្នាក់ ក្នុងគ្រោះថ្នា.ក់ចរាចរណ៍រវាងរថយន្តបុ.កជាមួយកង់បីមួយគ្រឿង
- បន្ទាយមានជ័យ
ខេត្តបន្ទាយមាជ័យ ៖ រថយន្តហាយឡិនឌ័របើកលឿនបុកកង់បី បណ្តាលឱ្យអ្នកបើកកង់បីស្លាប់ភ្លាមៗកន្លែងកើតហេតុ ដែលហេតុការណ៍នេះបានកើតឡើងនៅយប់ថ្ងៃទី១៣ ខែសីហា ឆ្នាំ២០២៦នៅតាមផ្លូវជាតិលេខ៥៨ ស្ថិតភូមិទួលពង្រ សង្កាត់អូរឫស្សី ក្រុងប៉ោយប៉ែត។
អ្នកឃើញហេតុការណ៍ប្រាប់ឱ្យដឹងថា នៅពេលគ្រោះថ្នាក់ចរាចរណ៍កើតឡើងមានរថយន្តម៉ាក់ហាយឡិនឌ័រដែលពាក់ផ្លាក់លេខបាត់ដំបង2C-8316បានបើកបរក្នុងទិសដៅបញ្ច្រាសគ្នាពីជើងមកត្បូងក្នុងល្បឿនលឿនបានបុកកងបី១គ្រឿងក្នុងទិសដៅបញ្ច្រាស់ទិសគ្នាពីត្បូងមកជើងបណ្តាលឱ្យអ្នកបើកបរកង់បីម្នាក់ឈ្មោះ សុ ឃឿន បានស្លាប់ខណៈពេលត្រឡប់ពីរត់កង់បីមកផ្ទៈ។
ក្រោយគ្រោះថ្នាក់ចរាចរណ៍កើតឡើងឃើញមានកម្លាំងប៉ុស្តិ៍នគរបាលរដ្ឋបាលសង្កាត់អូរឫស្សីនិងកម្លាំងនគរបាលចរាចរណ៍ផ្លូវគោកក្រុងប៉ោយប៉ែត បានចុះមកពិនិត្យវាស់វែង ប្រាប់ថា៖គ្រោះថ្នាក់ចរាចរណ៍បង្កដោយរថយន្តហាយឡិនឌ័របើកលឿនបុកកង់បីក្នុងទិសដៅបញ្ច្រាសគ្នាបណ្តាលស្លាប់ជនរងគ្រោះម្នាក់ជនបង្កបានរត់គេចខ្លួនបណ្តាលខូចខាតកង់បី១គ្រឿងនិងរថយន្តបង្ក១គ្រឿង ។
ក្រោយពិនិត្យរួច សាកសពជនរងគ្រោះប្រគល់ជូនសាច់ញាតិទទួលយកទៅធ្វើបុណ្យរថយន្តនិងកង់បីយកទៅរក្សាទុក ដើម្បីអនុវត្តន៍តាមច្បាប់នៅពេលក្រោយទៀត៕
ចែករំលែកព័តមាននេះ