រំដោះភាពចង្អៀតណែន! ពន្ធនាគារខេត្តកំពង់ស្ពឺ បញ្ជូនជនជាប់ឃុំចំនួន២០០នាក់ទៅខេត្តកំពត និងខេត្តកែប
- កំពង់ស្ពឺ
ខេត្តកំពង់ស្ពឺ៖ ជនជាប់ឃុំចំនួន២០០នាក់ ត្រូវបានផ្ទេរចេញពីពន្ធនាគារខេត្តកំពង់ស្ពឺ ទៅកាន់ពន្ធនាគារខេត្តកំពត និងខេត្តកែប ដើម្បីរំដោះភាពចង្អៀតណែន កាលពីព្រឹកថ្ងៃទី១៣ ខែសីហា ឆ្នាំ២០២៦នេះ។
ការរំដោះភាពណែនចង្អៀតរបស់ជនជាប់ឃុំចំនួន២០០នាក់៖ ដោយបានការអនុញ្ញាតជាគោលការណ៍ដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រី្តក្រសួងមហាផ្ទៃ អគ្គនាយកដ្ឋានពន្ធនាគារ សហការជាមួយនាយកដ្ឋានសន្តិសុខ និងនាយកដ្ឋានប្រតិបត្តិ រួមគ្នាជាមួយនឹងសមត្ថកិច្ចពាក់ព័ន្ធគ្រប់ជាន់ថ្នាក់របស់ ខេត្តកំពង់ស្ពឺ បានធ្វើការផ្ទេរ និងដឹកជញ្ជូនជនជាប់ឃុំចំនួន២០០នាក់ ចេញពីពន្ធនាគារខេត្តកំពង់ស្ពឺ ទៅឃុំបន្តនៅពន្ធនាគារខេត្តកំពត និងខេត្តកែប ដើម្បីរំដោះភាពចង្អៀតណែន ក្រោមការចុះអនុវត្តន៍បញ្ជាផ្ទាល់ដោយ ឯកឧត្តម ឧត្តមអគ្គានុរក្សថ្នាក់លេខ១ មាន ថាវរិន្ធ ប្រធាននាយកដ្ឋានសន្តិសុខពន្ធនាគារ ផងដែរ ៕
ចែករំលែកព័តមាននេះ