លើកទឹកចិត្តសិស្ស! អភិបាលខេត្តព្រះសីហនុ សន្យាជូនម៉ូតូ១គ្រឿង ដល់បេក្ខជនប្រឡងបាក់ឌុបដែលទទួលបាននិទ្ទេស A
- ព្រះសីហនុ
ខេត្តព្រះសីហនុ ៖ ព្រឹកថ្ងៃចន្ទទី១០ ខែសីហា ឆ្នាំ២០២៦ លោក សុខ គាង រដ្ឋលេខាធិការក្រសួងដែនដីនគរូបនីយកម្មនិងសំណង់ ជាក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ទទួលបន្ទុកវិស័យអប់រំលោកជំទាវ ឃុន រចនា អនុរដ្ឋលេខាធិការក្រសួងអប់រំយុវជន និងកីឡាលោក ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ អញ្ជើញបើកវិញ្ញាសាប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ នៅ សាលាវិទ្យាល័យហ៊ុន សែនមិត្តភាពស្ថិតនៅសង្កាត់លេខ៤ ក្រុង/ខេត្តព្រះសីហនុ ។
លោក ម៉ាង ស៊ីណេត អភិបាលខេត្តព្រះសីហនុ ក៏បានធ្វើការសំណេះសំណាលជាមួយសិស្សានុសិស្សជាបេក្ខជន,បេក្ខនារីប្រឡងសញ្ញាបត្រមធ្យមសិក្សាទុតិយភូមិសម័យប្រឡងថ្ងៃទី១០និង១១ ខែសីហា ឆ្នាំ២០២៦ នៅសាលាវិទ្យាល័យហ៊ុន សែនមិត្តភាព ក្រុងព្រះសីហនុបាន បញ្ជាក់ថា រាល់វិញ្ញាសារប្រឡងត្រូវទុកដាក់ក្នុងហឹបចាក់ សោជិតមិនមានស្នាមបើកនោះទេព្រមទាំងបានយកមក បើកសោរនៅចំពោះមុខគណមេប្រយោគនិងបេក្ខជនប្រឡងដើម្បីពិនិត្យពីភាពត្រឹមត្រូវម្យ៉ាងទៀតស្រោមប្រអប់សំណេរវិញ្ញាសារមានស្នាមត្រាត្រឹមត្រូវព្រមទាំងចូលរួមចុះហត្ថលេខាពីបេក្ខជនប្រឡងលើវិញ្ញាសារប្រឡងដោយមិនមានការបែកធ្លាយវិញ្ញាសារប្រឡងចេញទៅខាងក្រៅនោះទេ។ ទន្ទឹមនោះ លោកអភិបាលខេត្តបានបន្តថា សូមក្មួយៗជាបេក្ខជនត្រូវខិតខំបញ្ចេញសមត្ថភាពដែល យើងបានខិតខំរៀនសូត្ររយៈពេល១២ឆ្នាំកន្លងមកនេះឪ្យទទួលបានលទ្ធផលល្អគ្រប់គ្នា ។
លោកអភិបាលខេត្តក៏បានសន្យាថា ចំពោះបេក្ខជនដែលប្រឡងទទួលបាននិទ្ទេស A និងទទួលបានម៉ូតូមួយគ្រឿង និងសូមជូនពរឪ្យបេក្ខជនទាំងអស់ប្រឡងជាប់គ្រប់គ្នា និងទទួលបាននិទ្ទេសល្អគ្រប់គ្នា។
លោកស្រី អ៊ុច សោភា ប្រធានមន្ទីរអប់រំយុវជន និងកីឡាខេត្តព្រះសីហនុបានឪ្យដឹងថាការប្រឡង សញ្ញាបត្រមធ្យមសិក្សាទុតិយភូមិឆ្នាំសិក្សា២០២៥- ២០២៦ ខេត្តព្រះសីហនុ បេក្ខជនដាក់ពាក្យប្រឡងមានចំនួន ២៤០១នាក់ស្រី១២៦៧នាក់ ក្នុងនោះថ្នាក់វិទ្យាសាស្ត្រមាន ២មណ្ឌលនិងថ្នាក់វិទ្យាសាស្ត្រសង្គមចំនួន ៣មណ្ឌល គឺមាន ៥មណ្ឌល ស្មើនឹង ៩៩បន្ទប់។
លោកស្រី ប្រធានមន្ទីរអប់រំខេត្តបានបន្តថា ដោយ មានការយកចិត្តទុកដាក់ពីលោកអភិបាលខេត្តព្រះសីហនុបេក្ខជនបេក្ខនារីដែលមកចូលរួមប្រឡងត្រូវបានផ្តល់ការស្នាក់នៅនិងអាហារ ៦ពេល រួមទាំងការផ្ញើកង់ ម៉ូតូសម្រាប់បេក្ខជនប្រឡងសញ្ញាបត្រមធ្យមសិក្សាទុតិយភូមិ ដែលមកពីក្រុង ស្រុកឆ្ងាយពីមណ្ឌលប្រឡង ដើម្បីជួយសម្រួលសម្រាប់បេក្ខជននិងបន្ថយបន្ទុកក្រុមគ្រួសារផងដែរ ។ ហើយនៅតាមមណ្ឌលប្រឡងទាំង៥ក្នុងខេត្តព្រះសីហនុ បានចាប់ផ្តើមសំណេរនៅម៉ោង៧ព្រឹកដូចគ្នា ម្យ៉ាងទៀតនៅតាមមណ្ឌលប្រឡងនិមួយៗមានសណ្តាប់ធ្នាប់ល្អមិនមានបញ្ហាអ្វីកើតឡើងនោះទេ សម្រាប់ព្រឹកថ្ងៃទី១០នេះ ។
សូមបញ្ជាក់ថា ឆ្នាំសិក្សា ២០២៤-២០២៥ ខេត្តព្រះសីហនុ មានបេក្ខជនប្រឡងចំនួន២២២៤នាក់ស្រី ១ ១៥០នាក់ ស្មើនឹង៧៨បន្ទប់ ហើយសិស្សប្រឡងទទួលបាននិទ្ទេស A មានចំនួន ៥៦នាក់ ស្រី ២៦នាក់ ៕
ចែករំលែកព័តមាននេះ