រាជធានីភ្នំពេញ៖ សហព័ន្ធកីឡាតេក្វាន់ដូWTគ្រោងបញ្ជូនកីឡាករ កីឡាការិនីជម្រើសជាតិគ្រូបង្វឹក គ្រូជំនួយចំនួន៤រូបឱ្យទៅចូលរួមក្នុងព្រឹត្តិការណ៍កីឡាអាស៊ីលើកទី២០(The 20th Asian Games Aichi-Nagoya 2026)។
លោកជាតិ ខេមរា គ្រូជំនួយរបស់ខេរៈសហព័ន្ធកីឡាតេក្វាន់ដូWTបានឱ្យដឹងថា សហព័ន្ធគ្រោងបញ្ជូនគ្រូបង្វឹក គ្រូជំនួយនិងអត្តពលិកជម្រើសជាតិចំនួន៤រូបឱ្យទៅចូលរួមប្រកួតក្នុងព្រឹត្តិការណ៍កីឡាអាស៊ីលើកទី២០នៅខេត្តអៃឈី ទីក្រុងណាហ្គោយ៉ាប្រទេជប៉ុន ដែលនឹងប្រព្រឹត្តទៅចាប់ពីថ្ងៃទី១៩ខែកញ្ញាដល់ថ្ងៃទី៤ខែតុលាឆ្នាំ២០២៦។ក្នុងនោះមានកីឡាករ កីឡាការិនីមកបណ្ដាប្រទេសចំនួន៤៥នៅក្នុងតំបន់អាស៊ីទាំងមូលមកធ្វើការប្រកួតប្រជែងដណ្ដើមមេដាយ។
ទន្ទឹមជាមួយគ្នានេះដែរសហព័ន្ធក៏បានត្រៀមរួចជាស្រេចនូវប្រតិភូកីឡាចំនួន៤រូបសម្រាប់ចូលរួមក្នុងព្រឹត្តិការណ៍ថ្នាក់តំបន់ដ៏ធំមួយនេះមានដូចជា៖លោកគ្រូបង្គោលឆយ យ៉ុងសុខនិងជាប្រធានប្រតិភូដឹកនាំ លោកជាតិ ខេមរា ជាគ្រូជំនួយ រីឯក្រុមកីឡាមានកីឡាករវ៉ា មិថុនានិងកីឡាការិនីម៉ម ជូលី។
គូរម្លឹកថាកីឡាករវ៉ា មិថុនា និងកីឡាការិនីម៉ម ជូលី គេទាំងពីរសុទ្ធតែជាអត្តពលិកជម្រើសជាតិនិងមានស្នាដៃឆ្នើមក្នុងការទៅចូលរួមប្រកួតក្នុងព្រឹត្តិការណ៍ធំៗលើឆាកអន្តរជាតិនិងដណ្ដើមបានមេដាយជាច្រើនជូនជាតិ។ដូច្នេះសម្រាប់ការទៅចូលរួមប្រកួតនៅប្រទេសជប៉ុនលើកនេះសង្ឃឹមថាពួកគេនឹងខិតខំប្រឹងប្រែងអស់ពីសមត្ថភាពដណ្ដើមយកមេដាយជូនជាតិ៕
ចែករំលែកព័តមាននេះ