ទីក្រុងប៊ុយណូស៊ែ ៖ កីឡាករ Lionel Messi នឹងទទួលសញ្ញាបត្រកិត្តិយសពីសាកលវិទ្យាល័យធំបំផុតរបស់ប្រទេសអាហ្សង់ទីន Buenos Aires (UBA) ដោយបានសម្រេចផ្តល់ងារ «បណ្ឌិតកិត្តិយស» ជូនខ្សែប្រយុទ្ធឆ្នើមវ័យ៣៩ឆ្នាំរូបនេះ ដែលជាងារកិត្តិយសដ៏ខ្ពង់ខ្ពស់បំផុតរបស់គ្រឹះស្ថានសិក្សាមួយនេះ។
តាមលោក Fabrizio Romano អ្នកកាសែតជនជាតិអ៊ីតាលីដ៏ល្បី បានឱ្យដឹងថា Messi នឹងទទួលបានសញ្ញាបត្រកិត្តិយសដ៏ពិសេសនេះ នៅថ្ងៃទី៦ ខែតុលា ឆ្នាំ២០២៦ ពោលមុនពេលការប្រកួតចុងក្រោយរបស់ខ្លួន ដើម្បីលាក្រុមជម្រើសជាតិអាហ្សង់ទីន ដែលនឹងត្រូវប៉ះក្រុមជម្រើសជាតិបេណាំង សម្រាប់ជំនួបមិត្តភាពអន្តរជាតិ។
គួររំលឹកដែរថា Lionel Messi កាលពីថ្ងៃទី៣១ ខែសីហា ឆ្នាំ២០២៦ បានប្រកាសចូលនិវត្តន៍ពីក្រុមជម្រើសជាតិ និងជាលើកទី២របស់ខ្លួន ដោយបិទបញ្ចប់ភារកិច្ចរយៈពេល២១ឆ្នាំជាមួយក្រុមរហស្សនាម «ពពកស» ដោយបន្សល់ទុកកេរដំណែលដ៏ធំធេងបំផុតតាមរយៈការឈ្នះពានរង្វាន់ World Cup ឆ្នាំ ២០២២ បន្ទាប់ពីខកខានរយៈពេល៣៦ឆ្នាំ ក៏ដូចជា ដើម្បីធានាបានតំណែងមួយក្នុងចំណោមកំពូលកីឡាករដ៏អស្ចារ្យបំផុតនៅក្នុងប្រវត្តិសាស្ត្របាល់ទាត់ផងដែរ។
អតីតខ្សែប្រយុទ្ធក្លិប Barcelona និង PSG ដែលបច្ចុប្បន្នកំពុងអាជីពជាមួយក្លិប Inter Miami រូបនេះ នឹងត្រូវគេចងចាំថាជាកីឡាករដ៏ឆ្នើមបំផុតម្នាក់នៅក្នុងប្រវត្តិសាស្ត្រទាំងកម្រិតក្លិប និងជម្រើសជាតិ៕
ចែករំលែកព័តមាននេះ