សោកស្តាយ! ឃ្លាំងដាក់អីវ៉ាន់របស់មន្ទីរពេទ្យបង្អែកស្រុកពួក ខេត្តសៀមរាប ត្រូវអគ្គិភ័យឆាបឆេះ អស់ស្ទើរទាំងស្រុង
- សៀមរាប
ខេត្តសៀមរាប ៖ មន្ទីរពេទ្យបង្អែកស្រុកពួក ដែលត្រូវបានអគ្គិភ័យឆាបឆេះ ឃ្លាំងដាក់ឥវ៉ាន់ ទាំងព្រឹក បង្កការភ្ញាក់ផ្អើលពេញខេត្តសៀមរាប ។
ហេតុការណ៍អគ្គីភ័យឆាបឆេះឃ្លាំងដាក់ឥវ៉ាន់របស់មម្ទីរពេទ្យបង្អែកស្រុកពួកនោះបានកើតហេតុនៅវេលាម៉ោង៨ និង៣០ នាទីព្រឹក ថ្ងៃទី៧ ខែសីហា ឆ្នាំ ២០២៦ ស្ថិតនៅចំណុចក្នុងបរិវេណ មន្ទីរពេទ្យបង្អែកពួក ភូមិគោកថ្មី ឃុំពួក ស្រុកពួក ខេត្តសៀមរាប។
ប្រភពព័ត៌មាន ពីសមត្ថកិច្ចមូលដ្ឋានបានប្រាប់ឱ្យដឹងនៅព្រឹកថ្ងៃទី ៧ ខែសីហា ឆ្នាំ២០២៦ នេះថា ដោយមានការចូលរួម និង បញ្ជាផ្ទាល់ពី សំណាក់លោក ឧត្តម សេនីយ៍ទោ ហួត សុធី ស្នងការនគរបាលខេត្តសៀម រាប បានឱ្យ កម្លាំងនគរបាលការិយាល័យជំនាញ នៃស្នងការដ្ឋាននគរបាលខេត្តសៀម រាប ចុះជួយអន្តរាគមន៍ ករណីឆេះឃ្លាំងដាក់ឥវ៉ាន់របស់មន្ទីរពេទ្យបង្អែកស្រុកពួករួចមក កម្លាំងយើងបានចុះជួយអន្តរាគមន៍ នៅវេលាម៉ោង៨ និង៣០នាទីព្រឹក ថ្ងៃទី៧ ខែសីហា ឆ្នាំ២០២៦ ថា មានអគ្គិភ័យឆេះឃ្លាំងមន្ទីរពេទ្យបង្អែកពួក នៅជិតកន្លែងអធិការដ្ឋាននគរបាលស្រុកពួក ខាងលិចផ្សារពួក ក្នុងនោះ : -កម្លាំងនគរបាលក្នុងអធិការដ្ឋាន ។ -កម្លាំងនគរបាលប៉ុស្តិ៍ ។ -កម្លាំងកងរាជអាវុធហត្ថស្រុក ។
កម្លាំងក្រុមគ្រូពេទ្យ ។ -កម្លាំងប្រជាការពារភូមិ ។-អាជ្ញាធរភូមិ.ឃុំ និងប្រជាពលរដ្ឋ ។ .ប្រើប្រាស់-រថយន្តពន្លត់របស់អធិការដ្ឋានស្រុក ១គ្រឿង ។ -រថយន្តស្នងការដ្ឋានខេត្ត ៣គ្រឿង =បាញ់ទឹកអស់ចំនួន ៤ឡាន និងប្រើតំណរទុយោក្បាលទឹកនៅមុខអធិការដ្ឋានស្រុក បាញ់ទឹកពន្លត់ភ្លើងបានរលត់ទាំងស្រុងនៅវេលាម៉ោង១០និង០០នាទីព្រឹក នាថ្ងៃខែឆ្នាំដដែល ។ ប្រភពបញ្ជាក់ថា ករណីឆេះ ឃ្លាំង ដាក់ឥវ៉ាន់ របស់មន្ទីរពេទ្យបង្អែកពួក ត្រូវបាន ខូចខាត:-អគារឈើ១ខ្នង ទំហំទទឹង6ម៉ែត្រ × បណ្ដោយ30ម៉ែត្រ បណ្ដាលឱ្យឆេះខូចខាត ១បន្ទប់ផ្នែកខាងជើង ទំហំ6ម៉ែត្រ × 6ម៉ែត្រ ។
ប្រភពពីសមត្ថកិច្ច បានបញ្ជាក់ទៀតថា-តាមការបញ្ជាក់ពីលោកគ្រូពេទ្យគ្រប់គ្រងឃ្លាំង បានឱ្យដឹងថា ខូចខាត ដូចជា ឯកសារ ថ្នាំអំពូល ថ្នាំគ្រាប់ សេរ៉ូម (ប្រភេទថ្នាំព្យាបាលកូវីត-19) គិតសរុបជាទឹកប្រាក់ប្រហែលចំនួន ១០០០០$(មួយម៉ឺន)ដុល្លារអាមេរិក។
មូលហេតុនៃការឆេះខាងលើនេះ បើផ្អែកតាមប្រភពព័ត៌មានក្រុមគ្រូពេទ្យ និងអ្នកនៅជុំវិញកន្លែងកើតហេតុ សន្និដ្ឋានជាបឋមថា បណ្តាលមកពីទុសេខ្សែភ្លើង(ឆ្លងចរន្តអគ្គិសនី)។
បច្ចុប្បន្ន ភ្លើងឆេះ ឃ្លាំងដាក់ឥវ៉ាន់ របស់មន្ទីរពេទ្យបង្អែកពួក អស់ទឹកប្រាក់ប្រមាណ ១០០០០ ដុល្លារ៕
ចែករំលែកព័តមាននេះ