សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ អះអាងថា ច្រកសមុទ្រហ័រមូសនឹងបើកវិញក្នុងពេលដ៏ឆាប់បំផុត បើមិនដូច្នេះទេ អ៉ីរ៉ង់នឹងរងការវាយប្រហារដ៏ខ្លាំង និងលើកឡើងថា កិច្ចព្រមព្រៀងមួយអាចសម្រេចបាននាថ្ងៃទី៦ សីហា ។
លោកដូណាល់ត្រាំ ថ្លែងបន្តទៀតថា យើងបានពិភាក្សាគ្នាល្អណាស់ ដោយក្រុងតេហេរ៉ង់ចង់ឲ្យទទួលបានកិច្ចព្រមព្រៀង
មួយ។ ពេលលោកឡើងយន្តហោះប្រធានាធិបតីទៅកាន់ឡាស់វេហ្គាស់ លោកត្រាំវាយតម្លៃថា កិច្ចព្រមព្រៀងនោះអាចសម្រេចបាននាថ្ងៃទី៥ ឬទី៦ សីហា។
ចំណែករដ្ឋមន្ត្រីការបរទេសអាមេរិក លោកម៉ាកូរ៉ូប៊ីយ៉ូ កាលពីថ្ងៃទី៤ សីហា រៀបរាប់ពីការរីកចម្រើននានា ក្នុងការចរចាជាមួយ
អ៉ីរ៉ង់ និងអូម៉ង់ ដែលស្ថិតនៅជាប់មាត់ច្រកសមុទ្រហ័រមូស ។ កាសែតអាមេរិកមួយដែលដកស្រង់បណ្ដាប្រភពតំបន់និយាយថា កិច្ចព្រមព្រៀងបណ្ដោះអាសន្នសម្រាប់រយៈពេល៦០ថ្ងៃមួយ កំពុងតែពិភាក្សាដើម្បីរៀបចំការឆ្លងកាត់ច្រកសមុទ្រនោះ រវាង
អ៉ីរ៉ង់និងអូម៉ង់។
កិច្ចព្រមព្រៀងដំបូងនោះគ្រោងថា រាល់ការដឹកជញ្ជូនតាមសមុទ្រត្រូវចូលតាមច្រកសមុទ្រប៉ែកខាងជើងក្នុងដែនទឹកអ៉ីរ៉ង់ ហើយរាល់នាវាដែលចេញត្រូវបើកតាមផ្លូវប៉ែកខាងត្បូង ក្នុងដែនទឹកត្រួតត្រាដោយអូម៉ង់ រួចការចេញចូលមិនចាំបាច់មានការបង់ប្រាក់ និងការអនុញ្ញាត។ ផ្លូវទឹកខាងត្បូងនឹងត្រូវដោះមីនចេញ ក្នុងដំណាក់កាល៦០ថ្ងៃនោះ។
ការខិតខំស្វែងរកដំណោះស្រាយតាមការទូតនោះ នាំឲ្យតម្លៃប្រេងធ្លាក់ចុះវិញច្រើនដោយតម្លៃប្រេងឆៅBRENT ធ្លាក់មកនៅត្រឹម៧៨,៤៧ដុល្លារ ក្នុង១ធុង ហើយតម្លៃប្រេងឆៅWTI ធ្លាក់មកនៅត្រឹម៧៤,៧៣ដុល្លារក្នុងមួយធុង ៕
ចែករំលែកព័តមាននេះ