ខេត្តកោះកុង ៖ ផ្លូវជាតិលេខ៤៨ (ស្រែអំបិល-កោះកុង) គឺជាខ្សែផ្លូវដ៏សំខាន់ និងយុទ្ធសាស្ត្ររបស់រាជរដ្ឋាភិបាល ដែលជាបណ្ដាញតភ្ជាប់ប្រកបដោយសក្តានុពលសម្រាប់សេដ្ឋកិច្ច ពាណិជ្ជកម្ម ដឹកជញ្ជូន ភស្តុភារកម្ម ទេសចរណ៍ ។ នេះបើយោងតាមផេកក្រសួងសាធារណការ និងដឹកជញ្ជូនបានប្រកាសនាថ្ងៃទី២ ខែសីហា ឆ្នាំ២០២៦ ។
ក្រសួងសាធារណការ និងដឹកជញ្ជូន បានបន្តថា ខ្សែផ្លូវនេះដើរតួនាទីជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក៏ដូចជា ខេត្តកោះកុង ក្នុងការជួយសម្រួលដល់ការតភ្ជាប់ទំនាក់ទំនងគមនាគមន៍ និងការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹកជ្រៅនៅក្រុងព្រះសីហនុ សំដៅរួមចំណែកក្នុងការជំរុញការដោះដូរពាណិជ្ជកម្ម វិនិយោគ និងការដឹកជញ្ជូនដំណាំកសិផល និងកសិឧស្សាហកម្ម ឱ្យកាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច ។
សូមជម្រាបថា គម្រោងលើកកម្រិតគុណភាពផ្លូវនេះ មានប្រវែងជាង ១៤៨ គ.ម ពីស្រែអំបិលដល់ក្រុងខេមរភូមិន្ទ ខេត្តកោះកុង ហើយបានបញ្ចប់ការសាងសង់ជាស្ថាពរ កាលពីថ្ងៃទី២២ ខែមេសា ឆ្នាំ២០២៥ ៕
ចែករំលែកព័តមាននេះ