ខេត្តកំពង់ឆ្នាំង ៖ ដោយមើលឃើញទុក្ខលំបាករបស់ស្ត្រីទុរគតឈ្មោះម៉ម ឈៀន អាយុ៧៤ឆ្នាំ ដែលកំពុងរស់នៅក្នុងខ្ទមដ៏តូចមួយដែលសាងសង់លើភ្លឺស្រែខ្វែង ជា៤របស់ប្រជាពលរដ្ឋស្ថិតនៅក្នុងភូមិក្នុងឃុំស្វាយជ្រុំ ស្រុករលាប្អៀរ ទើបលោកសុក ឧត្តម នាយកសាខាក្រុមហ៊ុនអ៊ឹងរិទ្ធីគ្រុប ជ្រើសរើសពលករទៅក្រៅប្រទេសបាន
ខេត្តកំពង់ឆ្នាំង ៖ ដោយមើលឃើញទុក្ខលំបាករបស់ស្ត្រីទុរគតឈ្មោះម៉ម ឈៀន អាយុ៧៤ឆ្នាំ ដែលកំពុងរស់នៅក្នុងខ្ទមដ៏តូចមួយដែលសាងសង់លើភ្លឺស្រែខ្វែងជា៤របស់ប្រជាពលរដ្ឋស្ថិតនៅក្នុងភូមិក្នុងឃុំស្វាយជ្រុំ ស្រុករលាប្អៀរ ទើបលោកសុក ឧត្តម នាយកសាខាក្រុមហ៊ុនអ៊ឹងរិទ្ធីគ្រុប ជ្រើសរើសពលករទៅក្រៅប្រទេសបានយកថវិកាផ្ទាល់ខ្លួនចំនួន១០ដុល្លារ ទៅផ្តល់ជូនលោកយាយដើម្បីរស់ ព្រោះតែជីវភាពខ្វះខាតដល់កម្រិត។ លោកសុក ឧត្តម បាននិយាយថា លោកយាយម្នាក់នេះ គាត់បានស្គាល់យូរហើយ ព្រោះតែគាត់មានទីលំនៅ និងស្រុកកំណើតដូចគាត់ដែរ ហើយដែលបានដឹងយ៉ាងច្បាស់មុខរបររបស់លោកយាយកាលពីប៉ុន្មានឆ្នាំមុន គឺដើរចាក់អង្ក្រងលក់យកលុយទិញអង្ករហូប ។ នៅចំពោះមុខភ្នាក់ងារកោះសន្តិភាពលោកយាយម៉ម ឈៀនបាននិយាយថា បីឆ្នាំហើយគាត់មានជំងឺមិនអាចដើរចាក់អង្ក្រងបានទៀតទេ គឺនៅតែនឹងខ្ទមរបស់គាត់ដែលសង់លើភ្លឺស្រែរបស់អ្នកស្រុកដែលគាត់បានសុំតែស្នាក់នៅប៉ុណ្ណោះ ។ សព្វថ្ងៃត្រូវបានអ្នកស្រុកខ្លះហៅឱ្យទៅចាំផ្ទះឱ្យគេ១ថ្ងៃ ជួនបានលុយ២ពាន់រៀល ជួនអង្ករខ្លះក៏មានដែរ ។ លោកយាយបន្តថា សព្វថ្ងៃ លោកគ្រូពេទ្យឈ្មោះគ្រូពេទ្យទី តែបានយកអង្ករ៥គីឡូក្រាម ឬ៧គីឡូក្រាមមកឱ្យគាត់១ខែ ឬ២ខែម្តង គ្រាន់នឹងដាំបាយបបរហូប។ លោកថោង ហួរ ហៅជួរ មេភូមិក្នុងបានប្រាប់ថា លោកយាយម៉ម ឈៀន ពិតជាក្រីក្រទុរគតមែន លោកយាយសល់កូនស្រីពៅម្នាក់ដែរ នាងមានប្តីមានកូន៤នាក់ ហើយពួកគេយោងតែអាត្មាមិនរួចផង មានអ្វីមកជួយចិញ្ចឹមម្តាយ ។ លោកយាយម៉ម ឈៀន ក៏ដូចជាលោកមេភូមិក្នុងក៏សុំអំពាវនាវតាមរយៈសារព័ត៌មានកោះសន្តិភាពដល់សប្បុរសជនមេត្តាជួយឧបត្ថម្ភគាត់ឱ្យរស់នៅផងចុះ៕
ចែករំលែកព័តមាននេះ