សង្គ្រាមអរ៉ង់ ៖ សង្គ្រាមអ៉ីរ៉ង់កាន់តែរីកដោយអ៊ុយក្រែនប្រកាសថា បានវាយប្រហាររយៈឆ្ងាយលើបណ្ដាគោលដៅទាក់ទិននឹងការដឹកជញ្ជូនឧបករណ៍យោធារុស្ស៊ីទៅកាន់អ៉ីរ៉ង់ ។ ដូច្នេះ អ៊ុយក្រែនក្លាយជាតួអង្គថ្មីមួយនៃវិបត្តិនោះ ។ ទន្ទឹមនឹងនេះដែរប្រធានាធិបតីអ៊ុយក្រែនលោកវ៉ូឡូឌីមៀរហ្សេឡានស្គី បានចោទប្រកាន់រុស្ស៊ីថា បានជួយអ៉ីរ៉ង់វាយប្រហារបណ្ដាទីតាំងយោធាអាមេ
រិកនៅមជ្ឈឹមបូព៌ា ដោយជួយផ្ដល់បណ្ដាទិន្នន័យផ្កាយរណប។ រឿងបែបនេះតំណាងឲ្យទំហំថ្មី នៃការប្រឈមមុខដាក់គ្នារវាង
អ៉ីរ៉ង់ និងសហរដ្ឋអាមេរិក។ ដោយភ្ជាប់បន្ថែមទៀតវិបត្តិនៅមជ្ឈឹមបូព៌ាទៅនឹងសង្គ្រាមអ៊ុយក្រែន នាំឲ្យមានការលើកជាសំនួរ លើការជួយអ៉ីរ៉ង់ពីសំណាក់រុស្ស៊ី ។
ក្នុងសារមួយតាមបណ្ដាញសង្គមX លោកហ្សេឡេនស្គីអះអាងថា ចាប់តាំងពីដើមខែកក្កដាមក បណ្ដាផ្កាយរណបរុស្ស៊ីបានតាមដានត្រួតពិនិត្យយ៉ាងសកម្ម បណ្ដាប្រទេសក្នុងតំបន់ឈូងសមុទ្រពែរ្ស៍ ព្រមទាំងបណ្ដាទីតាំងយោធាអាមេរិក ក្នុងតំបន់មុនពេលបញ្ជូនបណ្ដារូបភាពដែលប្រមូលបានឲ្យដល់អ៉ីរ៉ង់ ។
ប្រធានាធិបតីអ៊ុយក្រែនក៏អះអាងដែរថា គ្រាន់តែក្នុងថ្ងៃទី១៩ និង២០កក្កដាតែប៉ុណ្ណោះ មូលដ្ឋានអាកាសចរណ៍៤រងការវាយប្រហារ គឺមូលដ្ឋានអាកាសចរណ៍២នៅបារ៉ែន មួយនៅហ្ស៊កដានីនិងមួយទៀតនៅគុយវ៉ែត សុទ្ធតែស្ថិតក្រោមការតាមដានរបស់បណ្ដាផ្កាយរណបរុស្ស៊ី ។ លោកហ្សេឡេនស្គីបានអំពាវនាវកុំឲ្យមើលស្រាលសភាពការណ៍នេះ ព្រោះកងកម្លាំងអាក្រក់តែងស្វែងរកជានិច្ច ធ្វើឲ្យសភាពការណ៍ចុះដុនដាប និងពង្រីកទីលាននៃវិបត្តិ ។
កាលពីថ្ងៃទី២៥ កក្កដា អ៊ុយក្រែនប្រកាសពីការវាយប្រហារ រយៈឆ្ងាយប្រឆាំងបណ្ដានាវានៅសមុទ្រកាស្ពីយែន ដែលតាមក្រុងគៀវថា នាវាទាំងនោះត្រូវបានប្រើ ដើម្បីដោះដូរបណ្ដាឧបករណ៍យោធារវាងអ៉ីរ៉ង់ និងរុស្ស៊ី ។ អ៉ីរ៉ង់អះអាងថា ក្នុងចំណោមនាវារងការវាយប្រហារ មាននាវាពាណិជ្ជកម្ម១គ្រឿងរបស់អ៉ីរ៉ង់ បណ្ដាលឲ្យនាវិកម្នាក់ស្លាប់និងច្រើននាក់រងរបួស ក្នុងការវាយប្រហារនេះ។ ជាប្រតិកម្មតបចំពោះការវាយប្រហារនោះអ៉ីរ៉ង់បានកោះហៅភារធារីស្ដីទីអ៊ុយក្រែនប្រចាំក្រុងតេហេរ៉ង់មកកាន់ក្រសួងការបរទេស ដើម្បីប្រគល់ការតវ៉ាជាផ្លូវការ ។
ក្នុងពេលជួបគ្នានោះ អ៉ីរ៉ង់បានប្រាប់ថា អ៉ីរ៉ង់នឹងការពារម៉ឺងម៉ាត់សន្តិសុខ និងបណ្ដាផលប្រយោជន៍ជាតិរបស់ខ្លួន ហើយនឹងមិនបណ្ដោយឲ្យការវាយប្រហារប្រឆាំងអាយុជីវិត និងផលប្រយោជន៍របស់ពលរដ្ឋខ្លួន ដោយគ្មានចម្លើយតបវិញឡើយ។ ពេលដែលរដ្ឋមន្ត្រីការបរទេសអ៉ីរ៉ង់អះអាងពីសិទ្ធិតបតវិញ ពលរដ្ឋអ៉ីរ៉ង់អំពាវនាវឲ្យមានការសងសឹកវិញតាមរយៈមីស៊ីលបាលីស្ទិកKHEIBAR SHEKAN ។
មតិអ៉ីរ៉ង់មួយចំនួនលើកឡើងថា សកម្មភាពនេះរបស់អ៊ុយក្រែនតម្រូវឲ្យអ៉ីរ៉ង់ពិនិត្យឡើងវិញចម្ងាយបាញ់២០០០គីឡូម៉ែត្រ សម្រាប់បណ្ដាមីស៊ីលបាលីស្ទិករបស់ខ្លួន។ឯកអគ្គរដ្ឋទូតអ៊ុយក្រែនប្រចាំអ៉ីស្រាអែល លើកឡើងថា នាវាអ៉ីរ៉ង់រងការវាយប្រហារ ដឹកបណ្ដាសមាសភាពសម្រាប់ផលិតដ្រូននិងមីស៊ីលបញ្ជូនទៅអ៉ីរ៉ង់៕
ចែករំលែកព័តមាននេះ