អ្នកនាំពាក្យក្រសួងសាធារណការ ៖ សម្តែងការសោកស្តាយយ៉ាងខ្លាំង ទោះគ្មានអ្នករងគ្រោះ តែម្ចាស់អាជីវកម្មដរចម្លងត្រូវចេញមុខសុំទោស និងទទួលខុសត្រូវ ចំពោះករណីនេះ ។
ជាក់ស្តែងលោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានប្រកាស នាព្រឹកថ្ងៃទី២៧ ខែកក្កដានេះថា ៖ យើងខ្ញុំមានការសោកស្តាយចំពោះហេតុការណ៍ប៉ះទង្គិចរវាងសាឡាងដឹកអ្នកដំណើរ និងសាឡុងដឹកខ្សាច់ ដោយហេតុថា សាឡាងដឹកអ្នកដំណើរមានបញ្ហាបច្ចេកទេស ។
លោក ផន រឹម បានបន្តថា ទោះបីជាហេតុការណ៍នេះ មិនបណ្តាលឲ្យមានអ្នករងគ្រោះក៏ដោយ ម្ចាស់អាជីវកម្មដរចម្លងត្រូវចេញមុខទទួលខុសត្រូវ ចេញមុខសូមទោស និងសន្យា មិនឲ្យហេតុការណ៍ដូចគ្នានេះកើតឡើងជាថ្មីឡើយ ។
សូមបញ្ជាក់ថា ចំបោះហេតុការណ៍មួយនេះ ត្រូវបានប្រជាពលរដ្ឋជាអ្នកបង្ហោះកើតឡើងកាលពីរសៀល ថ្ងៃទី២៦ ខែកក្កដា ឆ្នាំ២០២៦ នៅកំពង់ចម្លងស្វាយជ្រុំ ៕
ចែករំលែកព័តមាននេះ