រាជធានីភ្នំពេញ ៖ នៅថ្ងៃទី២៤ ខែកក្កដា ឆ្នាំ២០២៦ កម្លាំងប៉ុស្តិ៍នគរបាលរដ្ឋបាលកាកាបទី១ នៃអធិការដ្ឋាននគរបាលខណ្ឌពោធិ៍សែនជ័យ បានស្រាវជ្រាវឃាត់ខ្លួនជនសង្ស័យ០២នាក់ ពាក់ព័ន្ធករណីលួចមានស្ថានទម្ងន់ទោស (កាច់កម៉ូតូ) និងដឹកជញ្ជូនកាន់កាប់អាវុធដោយខុសច្បាប់(ដាវកែច្នៃ) ប្រព្រឹត្តបទល្មើសកាលពីថ្ងៃទី១៨ ខែកក្កដា ឆ្នាំ២០២៦ វេលាម៉ោង០៣:៣០នាទីទៀបភ្លឺ នៅចំណុចក្នុងបរិវេណមន្ទីរពេទ្យបង្អែកពោធិ៍ចិនតុង ស្ថិតនៅភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ ។
ជនសង្ស័យ០២នាក់ រួមមាន ៖
១. ឈ្មោះ ឈិត ដារ៉ាពៅ ហៅក្រៅអាតឿ ភេទប្រុស អាយុ ៣៩ឆ្នាំ មុខរបរមិនពិត ស្នាក់នៅភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ។
២. ឈ្មោះ ថន វីរះបុត្រ ហៅក្រៅ អាភ័ស្ស ភេទប្រុស អាយុ ៣២ឆ្នាំ មុខរបរមិនពិត ស្នាក់នៅផ្ទះលេខ១៦D ក្រុម១ ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ ។
វត្ថុតាងចាប់យក ៖ ម៉ូតូកែច្នៃ០១គ្រឿង មិនស្គាល់ម៉ាក គ្មានស្លាកលេខ ដាវកែច្នៃ ចំនួន០១ដើម (ជារបស់ជនសង្ស័យឈ្មោះ ឈិត ដារ៉ាពៅ), ផ្លាកលេខម៉ូតូ ចំនួន០១ ជារបស់ជនរងគ្រោះ ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ន ដើម្បីកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ