ខេត្តកណ្ដាល ៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅវេលាម៉ោង០១:៣០នាទីយប់ថ្ងៃទី២៣ ខែកក្កដា ឆ្នាំ២០២៦ កម្លាំងជំនាញព្រហ្មទណ្ឌ នៃអធិការដ្ឋាននគរបាលក្តុងតាខ្មៅ រួមនឹងប៉ុស្តិ៍នគរបាលរដ្ឋបាលទាំង១០ ចេញល្បាតមកដល់លើកំណាត់ផ្លូវលេខ២១ ចំណុចភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល ក៏បានប្រទះឃើញជនសង្ស័យ២ក្រុម កំពុងវាយគ្នា ក្រុមអន្តរាគមន៍ ក៏បានឃាត់បានជនសង្ស័យចំនួន៧នាក់ ចែកជា២ក្រុម ។
ក្រុមទី១ ៖ មានគ្នា៤នាក់ ទី១.ឈ្មោះ ថា សំណាង ភេទប្រុស អាយុ២២ឆ្នាំ ជនជាតិវៀតណាម រស់នៅភូមិលេខ១(ក) សង្កាត់ស្វាយរលំ ក្រុងតាខ្មៅ ខេត្តកណ្តាល។ ជនសង្ស័យធ្លាប់ជាប់ពន្ធនាគាចំនួន០២ឆ្នាំ២ខែ ក្នុងករណីអំពើលួច(ម៉ូតូ)។ ទី២.ឈ្មោះ វី ដាវីត ភេទប្រុស អាយុ១៧ឆ្នាំ ជនជាតិខ្មែរ មានទីលំនៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល។ ទី៣.ឈ្មោះអ៊ី ដាវីត ភេទប្រុស អាយុ១៧ឆ្នាំ ជនជាតិខ្មែរ រស់នៅភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល ។ និងទី៤.ឈ្មោះអឿន តុងលីន ភេទប្រុស អាយុ១៦ឆ្នាំ ជនជាតិខ្មែរ រស់នៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្តាល។ ជនសង្ស័យទាំង៤នាក់ គ្មានសារធាតុញៀនក្នុងទឹកនោម(-) ។
ក្រុមទី២ ៖ ទី១.ឈ្មោះ រស់ ស៊ីថា ហៅរស់ ស៊ីដា ភេទប្រុស អាយុ៤១ឆ្នាំ ជនជាតិខ្មែរ រស់នៅភូមិជើងកើប សង្កាត់ជើងកើប ស្រុកកណ្តាលស្ទឹង ខេត្តកណ្តាល ជនសង្ស័យធ្លាប់ជាប់ពន្ធនាគារខេត្តកណ្តាល ចំនួន២លើក ក្នុងករណីលួចមានស្ថានទម្ងន់ទោស។ ទី២.ឈ្មោះ ណូ វ៉ាន់ដេត ភេទប្រុស អាយុ៣៤ឆ្នាំ ជនជាតិខ្មែរ រស់នៅភូមិព្រែករទាំង សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។ និងទី៣.ឈ្មោះ ស៊ឹម រក្សា ភេទប្រុស អាយុ២០ឆ្នាំ ជនជាតិខ្មែរ រស់នៅភូមិព្រែករទាំង សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។ ជនសង្ស័យទាំង៣នាក់ មានសារធាតុញៀនក្នុងទឹកនោម(+) ។
វត្ថុតាងចាប់យករួមមាន ៖
១-ម៉ូតូ០១គ្រឿងម៉ាក ហុងដា សេ១២៥ ផលិតឆ្នាំ ២០២៥ ពណ៌ខ្មៅ ពាក់ផ្លាកលេខ ភ្នំពេញ 1LE-0657។
២-ម៉ូតូ០១គ្រឿងម៉ាកហុងដា សេ១២៥ ពណ៌ខ្មៅ ពាក់ផ្លាកលេខ កណ្តាល 1S-3995។
៣-ទូរស័ព្ទដៃចំនួន០៣គ្រឿង ។
៤-មួកការពារសុវត្តិភាព០១ ណ៌ប្រផេះ។
៥-ដុំថ្មមួយចំនួន កំណាត់ទុយោមួយកំណាត់(ដងអំបោស)០១។
៦-ម៉ូតូ០១គ្រឿងម៉ាកហុងដាសេ១២៥ ពណ៌ខ្មៅ បែកក្បាំងខាងស្តាំ បែកចង្កៀងខាងឆ្វេង និងគ្មានផ្លាកលេខ។
៧-ដាវដែកដងឈើ០១ ។
បច្ចុប្បន្នជនសង្ស័យបានបញ្ជូនទៅអយ្យការអមសាលាដំបូងខេត្តកណ្តាលដើម្បីបន្តរនីតិវិធី ៕
ចែករំលែកព័តមាននេះ