សមិទ្ធផលថ្មី! ស្រុកព្រៃនប់ចាប់ផ្តើមសាងសង់អគារមន្ទីរពេទ្យបង្អែកកម្ពស់ ៣ជាន់ ដើម្បីបម្រើសេវាសុខាភិបាលជូនប្រជាពលរដ្ឋ
- ព្រះសីហនុ
ខេត្តព្រះសីហនុ ៖ ពិធីក្រុងពាលី និងបញ្ចុះបឋមសីលាបើកការដ្ឋានកសាងអគារថ្មី នៃមន្ទីរពេទ្យបង្អែកស្រុកព្រៃនប់ មានកំពស់៣ជាន់ ទទឹង២០ម៉ែត្រ និងបណ្តោយ៤០ម៉ែត្រ មានទីតាំងនៅ ក្នុងបរិវេនមណ្ឌលសុខភាពវាលរេញ ឃុំវាលរេញ ស្រុកព្រៃនប់ ខេត្តព្រះសីហនុ ។
សមិទ្ធផលថ្មីនៃមន្ទីរពេទ្យបង្អែកស្រុកព្រៃនប់នេះ នឹងក្លាយជាទីបង្អែកសុខភាពដ៏រឹងមាំ ប្រកបដោយគុណភាព និងគុណធម៌ ក្នុងការបម្រើ និងសង្គ្រោះជីវិតប្រជាពលរដ្ឋនៅក្នុងស្រុកព្រៃនប់ទាំងមូល ក៏ដូចជាតំបន់ជុំវិញប្រកបដោយចីរភាព។
ពិធីនេះមានកាអញ្ជើញចូលរួម លោកអុី ធារិន អភិបាលស្រុកព្រៃនប់ និងលោកអនុប្រធានមន្ទីរសុខាភិបាលខេត្តព្រះសីហនុ រួមទាំងបុគ្គលិកពេទ្យមណ្ឌលសុខភាព និងប្រជាពលរដ្ឋជាចរើននាក់
លោកអុី ធារិន អភិបាលស្រុកបានថ្លែងថា ពីទឹកដីដែលបានរួមរស់ជាមួយប្រជាពលរដ្ឋអស់រយៈពេលជាច្រើនឆ្នាំ មកដល់ថ្ងៃនេះ ស្រុកព្រៃនប់បានទទួលនូវសមិទ្ធផលថ្មីមួយដ៏មានអត្ថន័យ និងប្រយោជន៍សុខភាពមួយ គឺអគារមន្ទីរពេទ្យបង្អែកស្រុកព្រៃនប់ ដែលនឹងក្លាយជាកន្លែងផ្តល់សេវាសុខាភិបាលប្រកបដោយគុណភាព ជួយសម្រាលទុក្ខលំបាក និងនាំមកនូវក្តីសង្ឃឹមថ្មីសម្រាប់ប្រជាពលរដ្ឋគ្រប់រូប។
លោកអភិបាលស្រុកបានបន្ថែមថា សមិទ្ធផលថ្មី មិនត្រឹមតែជាសំណង់អគារប៉ុណ្ណោះទេ ប៉ុន្តែជានិមិត្តរូបនៃការអភិវឌ្ឍ ការយកចិត្តទុកដាក់ និងអនាគតដ៏ប្រសើររបស់ស្រុកព្រៃនប់។
សូមបួងសួងដល់គុណព្រះរតនត្រ័យ និងវត្ថុស័ក្តិសិទ្ធិក្នុងលោក ជួយតាមថែរក្សា និងប្រសិទ្ធពរជ័យ សិរីសួស្តី ជ័យមង្គល ជូនដល់ថ្នាក់ដឹកនាំ មន្ត្រីរាជការ ក្រុមគ្រូពេទ្យ ក្រុមការងារសាងសង់ និងបងប្អូនប្រជាពលរដ្ឋទាំងអស់ សូមបានសមប្រកបដោយពុទ្ធពរទាំង ៤ ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ