ជម្រើសជាតិជឺជីតស៊ូកម្ពុជាឈ្នះមេដាយ ៨គ្រឿងពីការប្រកួតជើងឯកអាស៊ីលើកទី១០
- ភ្នំពេញ
រាជធានីភ្នំពេញ ៖ ក្រុមកីឡាករ កីឡាការិនីជម្រើសជាតិជឺជីតស៊ូកម្ពុជាបានវិលត្រឡប់មកដល់មាតុប្រទេសវិញកាលពីព្រឹកថ្ងៃទី២៣ ខែកក្កដា ឆ្នាំ២០២៦ ដោយបាននាំមកជាមួយនូវមេដាយចំនួន៨គ្រឿងក្នុងនោះមេដាយមាស២គ្រឿង មេដាយប្រាក់៣គ្រឿង និងមេដាយសំរឹទ្ធ៣គ្រឿងពីព្រឹត្តិការណ៍ជើងឯកអាស៊ីលើកទី១០នៅទីក្រុងអាល់ម៉ាទី ប្រទេសកាហ្សាក់ស្ថាន។
លោក យាន គីស៊ីវុត្ថា ប្រធានមជ្ឈមណ្ឌលជាតិហ្វឹកហ្វឺនកីឡា បានថ្លែងប្រាប់អ្នកសារព័ត៌មាន នៅឯអាកាសយានដ្ឋានអន្តរជាតិតេជោកាលពីព្រឹកថ្ងៃទី២៣ កក្កដាថា នេះជាមោទនភាពបំផុតសម្រាប់កម្ពុជា ជាពិសេសកីឡាជឺជីតស៊ូ ដែលជាប្រភេទកីឡាដ៏មានសក្ដានុពលបំផុត ធ្លាប់បានទៅប្រកួតនៅលើឆាកអន្តរជាតិ និងដណ្ដើមបានមេដាយជាច្រើនគ្រឿងមកជូនជាតិមាតុភូមិ ។ ជាក់ស្ដែងការចេញទៅប្រកួតនៅប្រទេសកាហ្សាក់ស្ថានលើកនេះឈ្នះមេដាយរហូតដល់ទៅ៨គ្រឿងបន្ថែមទៀត។
លោកបន្តថា ខាងក្រោមនេះជាកីឡាករ កីឡាការិនីដែលឈ្នះមេដាយទៅតាមប្រភេទវិញ្ញាសា៖
១-កីឡាការិនី ទឹន សុវណ្ណបួរកែវ និង កីឡា
ការិនី ហេង ស៊ីវហ៊ាង ទទួលបានមេដាយមាស ១គ្រឿងលើវិញ្ញាសា U21 Ju-Jitsu Duo Mix and Female
២-កីឡាការិនី ទឹន សុវណ្ណបួរកែវ និង កីឡាការិនី ហេង ស៊ីវហ៊ាង ទទួលបានមេដាយមាស ១គ្រឿងលើវិញ្ញាសា U21 Ju-Jitsu Duo Show and Female
៣-កីឡាករ គង់ម៉ូណា មិថុរ៉ា និងកីឡាការិនី គង់ម៉ូណា ជេស៊ីកា ទទួលបានមេដាយប្រាក់ ១គ្រឿងលើវិញ្ញាសា Adult Ju jitsu Duo Open
៤-កីឡាការិនី ទឹន សុវណ្ណបួរកែវ និងកីឡាការិនី គង់ម៉ូណា ជេស៊ីកា ទទួលបានមេដាយប្រាក់ ១គ្រឿងលើវិញ្ញាសា Adult Ju jitsu Show Women
៥-កីឡាការិនី ហេង ស៊ីវហ៊ាង និងកីឡាករ ទូច ពីរកក្កដា ទទួលបានមេដាយប្រាក់ ១គ្រឿងលើវិញ្ញាសា Adult Ju jitsu Show Mixed
៦-កីឡាករ សរ សុផានុត ទទួលបានមេដាយ
សំរឹទ្ធ ១គ្រឿងលើវិញ្ញាសាឯកត្តជនបុរស U21 Ju-Jitsu Fighting Male ក្រោម៦៩គីឡូក្រាម
៧-កីឡាករ គង់ម៉ូណា មិថុរ៉ា កីឡាករ ទូច ពីរកក្កដា ទទួលបានមេដាយសំរឹទ្ធ ១គ្រឿងលើវិញ្ញាសា Adult Ju jitsu Duo Men & Mixed
៨-កីឡាការិនី ហេង ស៊ីវហ៊ាង និងកីឡាការិនី ទឹន សុវណ្ណបួរកែវ ទទួលបានមេដាយសំរឹទ្ធ ១គ្រឿងលើវិញ្ញាសា Adult Ju jitsu Duo Women ៕
ចែករំលែកព័តមាននេះ