ឃាត់ខ្លួនយុវជន៣នាក់ យកថ្មគ.ប់លើកម្មករធ្វើផ្លូវ និងរថយន្តរងការខូចខាត
- កំពង់ស្ពឺ
ខេត្តកំពង់ស្ពឺ ៖ ក្រុមក្មេងទំនើងចំនួន៣នាក់ ក្នុងចំណោមបក្ខពួក៤នាក់ ត្រូវបានកម្លាំងនគរបាលស្រុកបសេដ្ឋធ្វើការឃាត់ខ្លួន តាមបណ្ដឹងរបស់មេការកម្មករសំណង់ក្រោយពីក្រុមក្មេងទំនើង បានបង្កហិង្សា យកថ្មគប់ទៅលើកម្មករ និងរថយន្តមួយគ្រឿងបណ្តាលឱ្យរងការខូចខាត ព្រោះតែខឹងឌឺដងពាក្យសំដី។
ការឃាត់ខ្លួនក្រុមក្មេងទំនើង គឺ៖ដោយអនុវត្ដតាមបទបញ្ជាដ៏ខ្ពង់ខ្ពស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងការដឹកនាំពីលោកវរសេនីយ៍ឯក ចន សុភិត អធិការនគរបាលស្រុកបសេដ្ឋ កម្លាំងជំនាញបានចុះស្រាវជ្រាវឃាត់មុខសញ្ញាក្មេងទំនេីងបង្កហិង្សាក្នុងមូលដ្ឋានអុកឡុកដល់អ្នកធ្វើដំណើរតាមផ្លូវសាធារណៈ និងបំផ្លិចបំផ្លាញទ្រព្យសម្បត្តិអ្នកដទៃ(យកដុំថ្ម គប់លេីអ្នកដទៃ និងរថយន្ត) នៅចំណុចសាលាដំណាក់ស្ថិតក្នុងភូមិទ័ពម្រាក់ ឃុំកក់ ស្រុកបសេដ្ឋ ខេត្ដកំពង់ស្ពឺ កាលពីល្ងាចថ្ងៃទី២១ ខែកក្កដា ឆ្នាំ២០២៦ ។
នគរបាលខេត្តកំពង់ស្ពឺបាននិយាយដឹងថា នៅមុនពេលឃាត់ខ្លួនក្មេងទំនើង មានក្រុមជនសង្ស័យ១ក្រុម មានគ្នាចំនួន៤នាក់ បានធ្វើសកម្មភាពបង្ករអុកឡុកតាមផ្លូវសាធារណៈនិងបានយកដុំថ្មគប់លើកម្មករធ្វើផ្លូវក្នុងបណ្តាលឱ្យចំរថយន្តមួយគ្រឿង (ឡានcamry) បណ្ដាលឱ្យរងការខូចខាត និងធ្វើឱ្យកម្មកររងរបួសនិងភ័យខ្លាច។ ផ្អែកលេីរបស់បណ្ដឹងឈ្មោះ ក្វាត់ ឈុនឡេង ភេទប្រុស អាយុ២៣ឆ្នាំ រស់នៅក្នុងភូមិរូង ឃុំទំនប់ ស្រុកបាធាយ ខេត្តកំពង់ចាម (ជាប្រធានក្រុមកម្មករ)។
សមត្ថកិច្ចខេត្តកំពង់ស្ពឺបានបន្តឲ្យដឹងទៀតថាក្រោយពីទទួលបានពាក្យបណ្ដឹងរបស់ប្រធានក្រុមកម្មករ
សមត្ថកិច្ចនគរបាលស្រុកបានធ្វេីការឃាត់ខ្លួនជនសង្ស័យបាន៣នាក់៖
ទី១-ឈ្មោះ នុត វណ្ណា ហៅស្វិត ភេទប្រុស អាយុ២៤ឆ្នាំ
ទី២-ឈ្មោះ ហួន ផានិត ភេទប្រុស អាយុ២១ឆ្នាំ យកមកសួរនាំនៅអធិការដ្ឋានស្រុកបសេដ្ឋ ។
និងទី៣-ឈ្មោះ យ៉េង គីមហោ ភេទប្រុស អាយុ១៥ឆ្នាំ រស់នៅភូមិទ័ពម្រាក ឃុំកក់ ស្រុកបសេដ្ឋ ។ ចំណែកម្នាក់ទៀតបានរត់គេចខ្លួនបាត់។
បើយោងតាមចម្លើយក្រុមក្មេងទំនើង (ជនសង្ស័យទាំង៣) ទទួលស្គាល់ថា មូលហេតុដែលរូបគេប្រើប្រាស់ហិង្សានិងយកដុំថ្មគប់ទៅលើកម្មករនិងរថយន្តមួយគ្រឿងបណ្ដាលរងការខូចខាតនោះព្រោះតែខឹងក្រុមកម្មករ (ឌឺដងពាក្យសំដី)។
នគរបាលខេត្តកំពង់ស្ពឺបានបញ្ជាក់ឲ្យដឹងថាក្រោយឃាត់ខ្លួនក្រុមក្មេងទំនេីង រួមជាមួយនឹងវត្ថុតាងដុំថ្មចំនួនពីរដុំនគរបាលស្រុកបរសេធបានកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តកំពង់ស្ពស់ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ