ព្រះសង្ឃជាន់ខ្ពស់សុំបិណ្ឌបាតទៅបណ្ឌិតមួយចំនួនកុំឱ្យវិភាគធម៌អាថ៌
- ភ្នំពេញ
សម្តេចព្រះឧត្តមវង្សា គូ សុភាព សមាជិកលេខាធិការដ្ឋានគណៈសង្ឃនាយក បានសុំបិណ្ឌបាតទៅបណ្ឌិតមួយចំនួន កុំឱ្យវិភាគរឿងធម៌រឿងអាថ៌ ដោយទុកជំនាញនេះទៅព្រះសង្ឃ និងអ្នកជំនាញខាងព្រះពុទ្ធសាសនាបកស្រាយបានហើយ ។
ម្តេចព្រះឧត្តមវង្សាបានបិណ្ឌបាតនេះ តាមបណ្តាញសង្គម កាលពីថ្ងៃទី២១ ខែកក្កដា ឆ្នាំ២០២៦ កន្លងទៅ ។ សម្តេចព្រះឧត្តមវង្សា បានមានថេរដីកាថា «សុំបិណ្ឌបាតដោយសុទ្ធចិត្តចំពោះញោមបណ្ឌិតមួយចំនួនតូច ញោមរៀនជំនាញអ្វី ញោមវិភាគជំនាញញោមចុះ ធម៌អាថ៌ទុកឱ្យព្រះសង្ឃ និងអ្នករៀនជំនាញព្រះពុទ្ធសាសនាបកស្រាយ» ។
សម្តេចព្រះឧត្តមវង្សាបានមានថេរដីកាបន្តថា មិនដូច្នោះទេ ការងារច្របូកច្របល់ជាអពមង្គលមិនចម្រើនទេ ។
សម្តេចព្រះឧត្តមវង្សាបានមានថេរដីកាបញ្ជាក់ទៀតថា ញោមអាចផ្តល់យោបល់បាន តែមិនគួរតាំងខ្លួនធ្វើជាអ្នកចេះព្រះពុទ្ធសាសនា ហើយអារកាត់យ៉ាងនេះយ៉ាងនោះទេ ព្រោះមិនមែនជាជំនាញរបស់ញោម ។
ចែករំលែកព័តមាននេះ