សង្គ្រាមអ៊ីស្រាអែលនិងហាម៉ាស់ ៖ ការវាយប្រហារមួយរបស់អ៊ីស្រាអែល កាលពីព្រឹកថ្ងៃទី២២ កក្កដា ត្រូវចំផ្ទះរបស់គ្រួសារមួយនៅទីក្រុងហ្គាហ្សា ។ មន្ទីរពេទ្យមួយនៃទីក្រុងនោះអះអាងថា បានទទួលបណ្ដាសាកសព និងបណ្ដាអ្នករបួសដោយសារការវារប្រហារនោះ ។
នៅនឹងកន្លែងផ្ទះមួយរងការបំផ្លាញស្ទើរទាំងស្រុង ។ មន្ទីរពេទ្យអាល់ជីហ្វាកន្លែងដែលសាច់ញាតិជនរងគ្រោះលើកគ្នាទៅ គេឃើញសាកសពក្មេងស្រីម្នាក់ដាក់ក្នុងថង់ប្លាស្ទិកពណ៌ស នៅក្បែរសាកសពមនុស្សដទៃៗទៀតដែលដាក់តម្រៀបគ្នាជាជួរគ្របដោយភួយ ។
ការវាយប្រហារនោះរបស់អ៊ីស្រាអែល បណ្ដាលឲ្យមនុស្សស្ថិតក្នុងគ្រួសារតែមួយស្លាប់៦នាក់ ។ ការវាយប្រហារនេះរបស់អ៊ី
ស្រាអែលធ្វើឡើងនាវេលារំលងអធ្រាត្រ ពេលមនុស្សម្នាកំពុងដេកលង់លក់ ។ ប្រភពយោធាអ៊ីស្រាអែលនិយាយថា នោះជាការវាយប្រហារសំដៅភេរវករហាម៉ាស់ម្នាក់ក្នុងតំបន់នោះ តែមិនបានបញ្ជាក់ច្រើនជាងនេះឡើយ ។
ផ្នែកការពារស៊ីវិលជ្រោយហ្គាហ្សា រៀបរាប់ពីមនុស្ស៦នាក់ទៀតស្លាប់នៅក្នុងដែនដីប៉ាឡេស្ទីននេះ។ កងទ័ពអ៊ីស្រាអែលអះអាងថា បានវាយប្រហារតាមអាកាស ប្រឆាំងភេរវករប្រដាប់អាវុធច្រើននាក់ដែលកំពុងផ្ទេរអាវុធដាក់ក្នុងរថយន្តមួយគ្រឿងនៅភាគខាងត្បូងជ្រោយហ្គាហ្សា ៕
ចែករំលែកព័តមាននេះ