កម្លាំងសមត្ថកិច្ចខ្នងការដ្ឋានខេត្តកំពតបញ្ជូនជនសង្ស័យ៤នាក់ទៅតុលាការពីបទលួ.ចម៉ូតូ និងទទួលផលចោរកម្ម
- កំពត
ខេត្តកំពត ៖ ជនសង្ស័យបួននាក់ដែលកម្លាំងសមត្ថកិច្ចការិយាល័យព្រហ្មទណ្ឌនៃស្នងការដ្ឋាននគរបាលខេត្តបញ្ជូនទៅកាន់តុលាការដើម្បីចាត់ការតាមនីតិវិធីនារសៀលថ្ងៃទី 21 ខែកក្កដា ឆ្នាំ 2026 នេះដោយជនសង្ស័យទាំងបួននាក់បានធ្វើសកម្មភាពលួចម៉ូតូបីនាក់និងមួយនាក់ជាអ្នកទទួលផលចោលកម្មតាមការផ្ដល់ព័ត៌មានពីការិយាល័យព្រហ្មទណ្ឌនៃស្នងការនគរបាលខេត្តឲ្យដឹងថា តាមពាក្យបណ្ដឹងពីជនរងគ្រោះចំនួន 4 ស្រុកនាពេលថ្មីៗនេះថាមានក្រុមចោលធ្វើសកម្មភាពលួចម៉ូតូនៅក្នុងស្រុកទាំងបួនវាខេត្តកំពត។
ក្រោយពីបានទទួលពាក្យបណ្ដឹងពីជនរងគ្រោះ ក្រុមការចង្អុលបញ្ជាពីលោកឧត្តមសេនីយ៍ទោម៉ៅ ចន្ទ័មធុរិទ្ធស្នងការខេត្តនិងក្រុមការដឹកនាំបញ្ជាកម្លាំងផ្ទាល់របស់លោកឧត្តមសេនីយ៍ត្រីលក់ញ៉ាវ។ស្នងការរងទទួលផែនព្រហ្មទណ្ឌនៅថ្ងៃទី 18 ខែកក្កដាឆ្នាំ 2026 វេលាម៉ោង 14:130 នាទីបានដឹកនាំកម្លាំងជំនាញនៃអធិការដ្ឋាននគរបាលស្រុកឈូកចុះស្រាវជ្រាវមុខសញ្ញានិងធ្វើការគាត់ខ្លួនមុខសញ្ញាលួចម៉ូតូបានចំនួន 3 នាក់។ជួនសង្ស័យដែលកម្លាំងសមត្ថកិច្ចឃាត់ខ្លួនទាំងបីនាក់ខាងលើមាន: ១-ឈ្មោះមួ បញ្ញាដាវីភេទប្រុសអាយុ 29 ឆ្នាំនៅភូមិតូចឃុំក្រាំងស្នាយ ស្រុកឈូក ខេត្តកំពត (មេក្លោង) ២-ឈ្មោះនូ វុធ ភេទប្រុសអាយុ 29 ឆ្នាំនៅភូមិល្វេ ឃុំក្រាំងស្នាយស្រុកឈូក ខេត្តកំពត។ ៣-ឈ្មោះចាន់ណារ៉ូភេទប្រុសអាយុ 29 ឆ្នាំ នៅភូមិល្វេឃុំក្រាំងស្នាយស្រុកឈូកខេត្តកំពត។
ក្រោយពីឃាត់ខ្លួនជនសង្ស័យទាំងបីខាងលើយកទៅសាកសួរជនសង្ស័យទាំងបីនាក់បានឆ្លើយសារភាពប្រាប់សមត្ថកិច្ចថាពួកគេពិតជាបានធ្វើសកម្មភាពលួចម៉ូតូបានសម្រេចចំនួន 5 លើកក្នុងនោះមាន: ស្រុកឈូកចំនួន 2 លើក ស្រុកដងទង់ចំនួន 1 លើក ស្រុកបន្ទាយមាសចំនួន 1 លើកនិងស្រុកទឹកឈូចំនួន 1 លើក។ ជនសង្ស័យបានសារភាពបន្តថា: ម៉ូតូដែលលួចបានទាំង 5 គ្រឿងនេះពួកគេបានយកទៅលក់ឲ្យឈ្មោះនូ វុទ្ធី ភេទប្រុសអាយុ 51 ឆ្នាំនៅភូមិបឹងឃុំបឹងនិមល ស្រុកឈូក ខេត្តកំពត។
ប្រភពពីសមត្ថកិច្ចការិយាល័យព្រហ្មទណ្ឌបានឲ្យដឹងទៀតថា: តាមរយៈចម្លើយសារភាពរបស់ជនសង្ស័យនិងដោយមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្តកំពត កម្លាំងសមត្ថកិច្ចបានបន្តនាំខ្លួនឈ្មោះនូ វុទ្ធី (អ្នកទទួលផលចោរកម្ម) មកធ្វើការសាកសួរឈ្មោះនេះបានសារភាពថាដោយរូបគេពិតជាបានទិញម៉ូតូពីជនសង្ស័យចំនួន 5 គ្រឿងពិតប្រាកដមែន។
សមត្ថកិច្ចបានបន្តថាក្នុងប្រតិបត្តិការខាងលើនេះកម្លាំងសមត្ថកិច្ចបានដកហូតម៉ូតូពីទីតាំងរបស់ឈ្មោះនូ វុទ្ធីបានចំនួន 3 គ្រឿង នឹងធ្វើការប្រគល់ជូនជនរងគ្រោះជាម្ចាស់ម៉ូតូវិញ។ រីឯ២គ្រឿងទៀតឈ្មោះនូ វុទ្ធី បានលក់បន្តទៅឲ្យអ្នកផ្សេងដែលសមត្ថកិច្ចកំពុងស្រាវជ្រាវបន្តរកអ្នកដែលទិញម៉ូតូ ពីឈ្មោះនូ វុទ្ធី ខាងលើពីរគ្រឿងទៀត។
ជនសង្ស័យទាំងបួននាក់ក្រោយពីសមត្ថកិច្ចជំនាញធ្វើការសាកសួរពួកគេបានសារភាពប្រាប់សមត្ថកិច្ចពីសកម្មភាពដែលពួកគេធ្វើសកម្មភាពលួចទាំង៤ស្រុកបានម៉ូតូ៥គ្រឿងក្នុងខេត្តកំពតរួចមក នៅរសៀលថ្ងៃទី២១ ខែកក្កដា ឆ្នាំ២០២៦នេះ សមត្ថកិច្ចបានកសាងសំណុំរឿងបញ្ជូនទៅតុលាការខេត្តដើម្បីចាត់ការតាមនីតិវិធីច្បាប់៕
ចែករំលែកព័តមាននេះ