សង្គ្រាមអ៉ីរ៉ង់ ៖ ស្នូរស៊ីរ៉ែនបានលាន់ឮនៅក្រុងអាម៉ង់ នាថ្ងៃទី២០ កក្កដា ហើយកងទ័ពហ្ស័កដានីអះអាងថា បានបាញ់ទម្លាក់
មីស៊ីលអ៉ីរ៉ង់៣គ្រាប់ ។ កាលពីថ្ងៃទី១៧ កក្កដា ទាហានអាមេរិក២នាក់ស្លាប់ ដោយការវាយប្រហាររបស់អ៉ីរ៉ង់លើមូលដ្ឋានអាកាសចរណ៍MUWAFFAQ SALTI ឬមូលដ្ឋាន AZRAQ ប្រទេសហ្ស៊កដានី ។ ទាហានអាមេរិកម្នាក់ទៀត នៅតែបាត់ខ្លួនក្រោយការវាយបប្រហារទាំងនេះ ។
តាមទូរទស្សន៍រដ្ឋអ៉ីរ៉ង់ថា យើងបានវាយប្រហារដោយមីស៊ីលសំដៅបណ្ដាយន្តហោះអាមេរិក នៅព្រលានយន្តហោះអាកា
បា បណ្ដាលឲ្យយន្តហោះជាច្រើនគ្រឿងរងការខូចខាតធ្ងន់ធ្ងរ។ នេះបើតាមទូរទស្សន៍រដ្ឋអ៉ីរ៉ង់។ យោងតាមបណ្ដាអ្នកជំនាញការថា ការបង្កើនការវាយប្រហាររបស់អ៉ីរ៉ងទាំងនោះ លើដែនដីហ្ស៊កដានីជាការឆ្លើយតបចំពោះការពង្រឹងតួនាទីរបស់កងទ័ពអាមេរិកនៅទីនោះ ។
ទាហានអាមេរិកប្រមាណ៤០០០នាក់ ដាក់ពង្រាយនៅលើដែនដីហ្ស៊កដានី។ ម្យ៉ាងទៀតតាមរយៈកិច្ចព្រមព្រៀងមួយ កងទាហានអាមេរិកអាចចេញចូលដោយគ្មានបញ្ហា ក្នុងមូលដ្ឋានយោធាច្រើនទៀតរបស់ហ្ស៊កដានី។ កាលពីឆ្នាំ២០២៥ហ្ស៊កដានីបានទទួលជំនួយ១,៤៥ពាន់លានដុល្លារ។ អ៉ីរ៉ង់បង្កើនការវាយប្រហារលើហ្ស៊កដានី ដែលខ្លួនចាត់ទុកថាជាអាយ៉ងរបស់អាមេ
រិកនិងអ៊ីស្រាអែល ។ ម្យ៉ាងទៀត ហ្ស៊ដានីជាប្រទេសអារ៉ាប់តែមួយគត់ ដែលប្រកាសជាសាធារណៈថា ជួយបាញ់ទម្លាក់បណ្ដាមីស៊ីលអ៉ីរ៉ង់បាញ់សំដៅអ៊ីស្រាអែល ។
ការវាយប្រហាររបស់អ៉ីរ៉ង់លើហ្ស៊កដានី ក៏បង្ហាញដែរពីសមត្ថភាពយោធាអ៉ីរ៉ង់ ដែលពេលនេះអាចបាញ់មីស៊ីលបាលីស្ទិកបានចម្ងាយដល់ជាង១០០០គីឡូម៉ែត្រពីព្រំដែនខ្លួន ។ វាក៏បង្ហាញផងដែរ ពីការភូតកុហករបស់ប្រធានាធិបតីអាមេរិកលោកដូ
ណាល់ត្រាំដែលបំផ្លើសថា អាមេរិកបានកម្ទេចអស់ហើយសមត្ថភាពយោធាអ៉ីរ៉ង់។
ដ្រូននិងមីស៊ីលអ៉ីរ៉ង់បានវាយប្រហារខ្លាំងក្លាលើមូលដ្ឋានយោធាអាមេរិកនៅប្រទេសហ្ស៊កដានីកាលពីថ្ងៃទី១៧ កក្កដា។ មេដឹកនាំកំពូលអ៉ីរ៉ងមុននេះ បានព្រមានផ្ដល់មេរៀនដែលមិនអាចបំភ្លេចបានថែមទៀត ប្រសិនបើអាមេរិកបន្តវាយប្រហារប្រឆាំងអ៉ីរ៉ង់។ មេដឹកនាំកំពូលអ៉ីរ៉ង់រូបនោះបានព្រមានពីការផ្ដល់មេរៀមមិនត្រឹមតែអាមេរិកទេ តែដល់បណ្ដាសម្ព័ន្ថមិត្តអាមេរិកក្នុងតំបន់ទៀតផង។
ក្រៅពីវាយប្រហារលើហ្ស៊កដានីតាមអាជ្ញាធរគុយវ៉ែតថា កាលពីថ្ងៃទី១៨ កក្កដា មានការវាយប្រហាររបស់អ៉ីរ៉ង់ បណ្ដាលឲ្យមានការខូចខាតធ្ងន់ធ្ងរ ដល់រោងច្រកចម្រាញ់ទឹកសមុទ្រមកជាទឹកស្អាតមួយ និងទីតាំងប្រេងកាតរបស់ខ្លួនមួយកន្លែង ។ ការវាយប្រហារទីតាំងប្រេងកាតនោះ បណ្ដាលឲ្យមនុស្សច្រើននាក់រងរបួស ហើយរោងចក្រចម្រាញ់ទឹកត្រូវភ្លើងឆាបឆេះ ៕
ចែករំលែកព័តមាននេះ