ចេញពីខេត្តមកលេងប្រពន្ធនៅភ្នំពេញ បាន២យប់ស្រាប់តែប្រទះឃើញប្តីដេកស្លា.ប់ក្នុងបន្ទប់ជួល
- ភ្នំពេញ
រាជធានីភ្នំពេញ ៖ បុរសម្នាក់មកពីខេត្ត មកលេងប្រពន្ធនៅបន្ទប់ជួលបាន២យប់ ស្រាប់តែប្រពន្ធមកពីធ្វើការវិញឃើញដេកស្លាប់ក្នុងបន្ទប់ជួល ផ្អើលសមត្ថកិច្ចជំនាញចុះធ្វើកោសល្យវិច័យ បង្កឲ្យមានការភ្ញាក់ផ្អើលកាលពីម៉ោង៨យប់ ថ្ងៃទី២០ខែកក្កដាឆ្នាំ២០២៦ នៅចំនុចបន្ទប់ជួលមួយកន្លែង ស្ថិតនៅភូមិត្រពាំងឈូក សង្កាត់កន្ទោក ខណ្ឌកំបូល រាជធានីភ្នំពេញ ។
បុរសដេកស្លាប់មានឈ្មោះ ហ៊ុ ខុន អាយុ ២៦ឆ្នាំ មានស្រុកកំណើត ភូមិព្រៃព្រំ១ ឃុំរបស់មង្គល ស្រុកមោងឫស្សី ខេត្តបាត់ដំបង ។
តាមប្រភពព័ត៌មានពីកន្លែងកើតហេតុ បានអោយដឹងថា ជនរងគ្រោះទើបមកពីស្រុក ខេត្តបាត់ដំបង ដើម្បីមកលេងប្រពន្ធនៅបន្ទប់ជួលកន្លែងកើតហេតុរយៈពេល២ថ្ងៃប៉ុណ្ណោះ ។ លុះនៅយប់ថ្ងៃកើតហេតុ ស្ត្រីជាប្រពន្ធ បានចេញធ្វើការរោងចក្រត្រលប់ទៅបន្ទប់ជួលវិញ ហើយបើកទ្វារទៅ ក៍ឃើញបុរសជាប្តី បានដេកបាត់មាត់បាត់ក មិនថាស្លាប់តាំងពីពេលណានោះទេ ទើបនាំគ្នាឆោឡោ ផ្អើលដល់ពលរដ្ឋរាយការណ៍ជូនអាជ្ញាធរនិងសមត្ថកិច្ចមូលដ្ឋានបានចុះទៅពិនិត្យកន្លែងកើតហេតុផងដែរ ។
ករណីនេះសមត្ថកិច្ចមូលដ្ឋាន ក៍បានបន្តទាក់ទងផ្នែកជំនាញកោសល្យវិច័យបច្ចេកទេសនៃស្នងការដ្ឋាននគរបាលរាជធានីភ្នំពេញ អោយទៅពិនិត្យនិងធ្វើកោសល្យវិច័យសពជនរងគ្រោះផងដែរ ។
ក្រោយកើតហេតុ សមត្ថកិច្ចបានធ្វើលិខិតប្រគល់សពអោយសាច់ញាតិយកទៅធ្វើបុណ្យតាមប្រពៃណី នៅស្រុកកំណើត ចំពោះមូលហេតុ មិនទាន់អាចបញ្ជាក់បាននៅឡើយទេ តែប្រជាពលរដ្ឋសង្ស័យថាអាចខ្យល់គរ (គាំងបេះដូង) ៕
ចែករំលែកព័តមាននេះ