បង្ក្រាបករណីជួញដូរគ្រឿងញៀននៅប៉ោយប៉ែត៖ ជនជាតិថៃ ៣នាក់ ត្រូវឃាត់ខ្លួនបញ្ជូនទៅសាលាដំបូងខេត្តបន្ទាយមានជ័យ
- បន្ទាយមានជ័យ
ខេត្តបន្ទាយមានជ័យ ៖ កម្លាំងនគរបាលប្រឆាំងគ្រឿងញៀន ឃាត់ខ្លួនជនជាតិថៃ៣នាក់ ត្រូវបានចោទប្រកាន់ពីបទជួញដូរគ្រឿងញៀនចាប់បញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី២០ ខែកក្កដា ឆ្នាំ២០២៦ ។
លោកឧត្តមសេនីយ៍ត្រី ធិន ស៊ីនដេត ស្នងការរងទទួលការងារប្រឆាំងគ្រឿងញៀនខេត្តបន្ទាយមានជ័យបានប្រាប់ថា ជនសង្ស័យទាំង៣នាក់ ១-ឈ្មោះ ជីរិវ៉េត ថងម៉ឺន ហៅម៉ុន ភេទប្រុស អាយុ២៦ឆ្នាំ ២-ឈ្មោះ ជីរ៉ាក់សាក់ សារ៉ារ៉ាត់ ហៅកេម ភេទប្រុស អាយុ៣១ឆ្នាំ ៣-ឈ្មោះ ការ៉ាន់ កិនបូកែវ ភេទប្រុស អាយុ៤៧ឆ្នាំ ស្នាក់នៅបុរីដួងចាន់ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោកបានបញ្ជាក់ថា នៅពេលឃាត់ខ្លួនជនសង្ស័យ គឺកម្លាំងការិយាល័យនគរបាលប្រឆាំងគ្រឿងញៀនខេត្តបន្ទាយមានជ័យបានសហការជាមួយកម្លាំងជំនាញអធិការដ្ឋាននគរបាលក្រុងប៉ោយប៉ែត បានធ្វើការស្រាវជ្រាវហើយកំណត់មុខសញ្ញាបង្ក្រាបឃាត់ខ្លួនជនសង្ស័យចំនួន៣នាក់ ជាជនជាតិថៃនិងរឹបអូសវត្ថុតាងគ្រឿងញៀនប្រភេទបារីអេឡិចត្រូនិច ឬវ៉េប១ដើម និងក្បាលPODK ចំនួន១៦ថង់ ដែលឃាត់នៅថ្ងៃទី២០ ខែកក្កដា ឆ្នាំ២០២៦ នៅចំណុចផ្លូវសាធារណៈស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
លោកឧត្តសេនីយ៍ត្រី ធិន ស៊ីដេត បានបញ្ជាក់ថា ក្រោយឃាត់ខ្លួនជនសង្ស័យនិងវត្ថុតាងត្រូវបាននាំយកសាកសួរនិងវត្ថុតាងគ្រឿងញៀនត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តន៍តាមច្បាប់៕
ចែករំលែកព័តមាននេះ