រាជធានីភ្នំពេញ ៖ ក្រសួងពាណិជ្ជកម្ម ប្រកាសតម្លៃប្រេងឥន្ធនៈថ្មីចាប់អនុវត្តន៍ពីម៉ោង១:០០ រសៀលនេះ ដោយតម្លៃសាំងធម្មតា ៤.៤០០រៀល និងម៉ាស៊ូត ៥.២៥០រៀល ក្នុងមួយលីត្រ ។
ជាក់ស្តែងក្រសួងពាណិជ្ជកម្ម បានប្រកាសនារសៀលថ្ងៃទី២១ ខែសីហា ឆ្នាំ២០២៦ នេះថា តម្លៃលក់រាយប្រេងឥន្ធនៈនៅតាមស្ថានីយទូទាំងប្រទេសសម្រាប់អនុវត្តចាប់ពីវេលាម៉ោង១:០០ រសៀល ថ្ងៃទី២១ ខែសីហា រហូតដល់ថ្ងៃទី០១ ខែកញ្ញា ឆ្នាំ២០២៦ ។
យោងតាមសេចក្ដីជូនដំណឹង បានបញ្ជាក់ឱ្យដឹងថា តម្លៃប្រេងឥន្ធនៈគិតជាប្រាក់រៀល ដែលត្រូវលក់រាយនៅលើទីផ្សាររួមមាន ៖
ប្រេងសាំងធម្មតា មានតម្លៃ ៤.៤០០ រៀល ក្នុងមួយលីត្រ និងប្រេងម៉ាស៊ូតមានតម្លៃ ៥.២៥០ រៀល ក្នុងមួយលីត្រ ។
ក្រសួងពាណិជ្ជកម្ម បានអំពាវនាវដល់គ្រប់ស្ថានីយ និងដេប៉ូលក់រាយប្រេងឥន្ធនៈទាំងអស់នៅទូទាំងប្រទេស ត្រូវអនុវត្តការលក់ទៅតាមតម្លៃកំណត់ខាងលើឱ្យបានត្រឹមត្រូវ និងម៉ឺងម៉ាត់បំផុត ៕
ចែករំលែកព័តមាននេះ