ពិតជាចង្រៃមែន! នាំគ្នាកា.ប់ដើមត្នោតអាយុ១៧០ឆ្នាំ ចោលអស់មិនតិច
- កំពត
ខេត្តកំពត ៖ ខាងបុគ្គលិកអគ្គិសនីទូកមាសស្រុកបន្ទាយមាសត្រូវបាននគរបាលស្រុកកំពង់ត្រាចឃាត់កាលពីរសៀលថ្ងៃទី20 ខែសីហា ឆ្នាំ2026 ខណ៖ពេលខាងបុគ្គលិកអគ្គិសនីក្រុមហ៊ុនឯកជនទាំង3នាក់នោះចូលខ្លួនមកដោះស្រាយជាមួយនឹងគណៈកម្មការអាចារ្យវត្តនិងព្រះតេជ្ជគុណចៅអធិការវត្តអង្គជុំព្រៃទប់ឃុំបឹងសាលាខាងជើងស្រុកកំពង់ត្រាចពាក់ពន្ធ័និងការអារដើមត្នោតចំនួន7ដើមអមផ្លូវចូលវត្តដែលមានអាយុ170ឆ្នាំចោល ។ មានន័យថា កកើតវត្ត ចាស់ៗពីដើម គាត់ដាំដើមត្នោតនេះ អមផ្លូវចូលវត្ត ប៉ុន្តែអ្វីដែលបានមើលឃើញរឿងរ៉ាវខាងលើនោះគឺខាងអគ្គិសនីបានដាំបង្គោលភ្លើង និងរាយខ្សែភ្លើងហើយមានការទើសចង្អៀត មិនអាចរាយខ្សែនិងដាំបង្គោលបាន ទើបខាងអគ្គិសនីអារដើមត្នោតឈរអមសងខាងផ្លូវចោលតែម្ដង ដោយមិនបានសុំពីចៅអធិការវត្ត និងគណៈកម្មការវត្ត រួមទាំងអាជ្ញាធរមូលដ្ឋានឃុំអោយបានជាក់លាក់ឡើយ កាលពីថ្ងៃទី18 ខែសីហា ឆ្នាំ2026កន្លងទៅនេះ ។
ព្រះតេជគុណម៉ោញ ពុទ្ធា មានព្រះជន្ម35ព្រះវស្សា ជាចៅអធិការវត្ត មានសង្ឃដីកាថា ខាងអគ្គិសនីមិនបានសុំខាងវត្តទេ ហើយថ្ងៃដែលគេអារដើមត្នោតនោះ ព្រះតេជគុណជាប់ទៅប្រជុំសង្ឃនៅខេត្តកំពតពេញមួយថ្ងៃ ព្រះចៅអធិការវត្តមានសង្ឃដីកាថា ក្រោយពីអារដើមត្នោតរលំហើយ ក៍មានការដោះស្រាយប្រុងសម្រួលគ្នាជាមួយអគ្គិសនី ដើម្បីបញ្ចប់រឿង តែខាងអគ្គិសនីនិយាយមិនអាចទទួលយកបាន ថែមទាំងនិយាយថា ខាងក្រុមហ៊ុនអគ្គិសនីមិនមានគោលការណ៍សងសំណងផលប៉ះពាល់ឡើយ ធ្វើអោយតាអាចារ្យប្រតិកម្មភ្លាមៗ ។ លុះដល់ថ្ងៃទី20 ខែសីហា ឆ្នាំ2026នេះ មានការដោះស្រាយម្ដងទៀតនៅអធិការនគរបាលស្រុកកំពង់ត្រាច ដែលមានភាគីខាងអគ្គិសនីជាប់ពាក់ព័ន្ធរឿងអារដើមត្នោតមានគ្នា5នាក់ តែចូលខ្លួនមកដោះស្រាយមានតែ3នាក់ឃាត់ខ្លួនតែម្ដង ដោយមានការអន្តរាគមន៍ពីឯកឧត្តមម៉ៅ ធនិន អភិបាលខេត្តកំពត ក្នុងនោះក៍មានលោកអូន ខន អភិបាលស្រុកកំពង់ត្រាច ចាត់ចែងក្នុងការងារករណីខាងលើនោះដែរ ។
លោកចែម ពិសី អធិការស្ដីទីនគរបាលស្រុកកំពង់ត្រាចបាននិយាយប្រាប់អោយដឹងកាលពីព្រឹកថ្ងៃទី21ខែសីហានេះថាករណីអារដើមត្នោតខាងនគរបាលកំពុងធ្វើការ ។
ព័ត៌មានបន្ថែមនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ