សង្គ្រាមអ៊ុយក្រែន ៖ អភិបាលក្រុងមូស្គូប្រកាសនាថ្ងៃទី២០ កក្កដា ថា ដ្រូនអ៊ុយក្រែនជាង៤០០គ្រឿង ដែលបញ្ជូនកាលពីយប់ថ្ងៃទី១៩ ទៅ២០ កក្កដា ទៅវាយប្រហារតំបន់រដ្ឋធានីរុស្ស៊ី តែភាគច្រើនត្រូវបានបាញ់ទម្លាក់។
តាមតេឡេក្រាមអភិបាលក្រុងមូស្គូ លោកស័រហ្គេយសូប៊ីយ៉ានីន សរសេរថា ពីម៉ោង២០ និង៣០នាទីទៅម៉ោង៥ព្រឹក ដ្រូន
សត្រូវជាង៤០០គ្រឿង បានហោះឆ្ពោះទៅកាន់តំបន់ក្រុងមូស្គូ ។ ភាគច្រើននៃដ្រូនទាំងនោះ បានត្រូវបាញ់ទម្លាក់ដោយកងកម្លាំងការពារអាកាសតាំងពីស្ថិតនៅឆ្ងាយទីក្រុងនេះ ។ ចំណែកដ្រូន៨៥គ្រឿង ត្រូវកម្ទេចពេលហោះមកដល់ក្បែរក្រុងមូស្គូ។ មនុស្ស៦នាក់ រងរបួសធ្ងន់ ឬស្រាលបញ្ជូនទៅមន្ទីរពេទ្យដោយអម្បែងដ្រូន។
អភិបាលក្រុងដូម៉ូឌឺដូវ៉ូ លោកអានដ្រេវ៉ូរ៉ូប៊ីយ៉ូវ រៀបរាប់ពីការខូចខាតនានានៅទីក្រុងនោះ និងនៅក្រុងប៉ូដុលស្ក៍ ព្រមទាំងក្រុង
អូឌីនសូវ៉ូដោយលោកលើកពីបណ្ដាផ្ទះឯកជន និងបណ្ដាហេដ្ឋារចនាសម្ព័ន្ថស៊ីវិលរងការខូចខាត ដោយការធ្លាក់ដ្រូនចំ។ តាមព័ត៌មានដំបូងនានាថា មនុស្សម្នាក់រងរបួសនៅក្រុងដូម៉ូឌឺដូវ៉ូ មកពីភ្លើងឆេះផ្ទះមួយហើយមនុស្សម្នាក់ទៀតរងរបួសនៅលើផ្លូវថ្នល់មួយ ដោយសារដ្រូនថ្លាក់ក្បែររថយន្ត ។
ការវាយប្រហារនេះ កើតមានបន្ទាប់ពីរុស្ស៊ីវាយប្រហារដោយមីស៊ីលបាលីស្ទិកច្រើនគ្រាប់លើក្រុងគៀវ កាលពីយប់ថ្ងៃទី១៨មក១៩កក្កដា បណ្ដាលឲ្យមនុស្សម្នាក់ស្លាប់ និងរបួស១៦នាក់ ។ កាលពី២ថ្ងៃមុននេះ គឺនាយប់ថ្ងៃទី១៧ មក១៨ កក្កដា ការវាយប្រហារមួយដោយដ្រូនអ៊ុយក្រែន៣៧០គ្រឿង ប្រឆាំងរដ្ឋធានីរុស្ស៊ី បណ្ដាលឲ្យមនុស្សស្លាប់៨នាក់ និងរបួស៣៧នាក់។
ម្យ៉ាងទៀត អាជ្ញាធរអ៊ុយក្រែនរាយការណ៍ នាយប់ថ្ងៃទី១៩ កក្កដា ថា នាវិក៦នាក់បានត្រូវស្លាប់ ដោយសារការបាញ់មីស៊ីលរបស់រុស្ស៊ី លើនាវាដឹកទំនិញ១គ្រឿងរបស់តួកគី ដែលដឹកគ្រាប់ធញ្ញជាតិ ក្រោយយប់ថ្មីនៃការវាយប្រហារថ្មីរបស់រុស្ស៊ីលើ
ក្រុងគៀវជាមួយមីស៊ីលបាលីស្ទិក២០គ្រាប់ ។ នាវាដោតទង់ជាតិហ្គីណេប៊ីសូតែជារបស់តួកគីនោះ ត្រូវគ្រាប់មីស៊ីលបណ្ដែត
៣គ្រាប់ ក្រោយចាកចេញពីកំពង់ផែអូដេសា ៕
ចែករំលែកព័តមាននេះ