ឃាត់ខ្លួនជនសង្ស័យ១៣នាក់ធ្វើសកម្មភាពកា.ប់ប្ល.ន់យកម៉ូតូ២ករណី ដាច់ដោយឡែកពីគ្នា
- បន្ទាយមានជ័យ
ខេត្តបន្ទាយមានជ័យ៖កម្លាំងកងរាជអាវធហត្ថបានឃាត់ខ្លួនក្មេងទំនើងចំនួន១៣នាក់ដែលធ្វើសកម្មភាពកាប់ប្លន់យកម៉ូតូត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី២០ ខែកក្តដា ឆ្នាំ២០២៦។
ប្រតិបត្តិការបង្ក្រាបក្មេងទំនើងធ្វើសកម្មភាពកាប់ប្លន់និងលួចម៉ូតូប្រើប្រាស់គ្រឿងញៀន២ករណីឃាត់ខ្លួនចំនួន១៣នាក់ក្នុងនោះមានករណីឃាត់ខ្លួនក្រុងសិរីសោភ័ណចំនួន១១នាក់ និងស្រុកម៉ាឡៃចំនួន២នាក់។
លោកវរៈសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណបានប្រាប់ថា៖កាលពីថ្ងៃទី១៧ ខែកក្តដា ឆ្នាំ២០២៦កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ឃាត់ខ្លួនជនសង្ស័យចំនួន១១នាក់និងដកហូតមានកាំបិតនិងដាវដែលធ្វើសកម្មភាពកាប់ប្លន់យកម៉ូតូដែលត្រូវបានបង្ក្រាបក្នុងភូមិសាស្គ្រក្រុងសិរីសោភ័ណ។
លោកអនុសេនីយ៍ឯក ប៊ិ ប៊ុនចុង មេបញ្ជាការស្តីទីមូលដ្ឋានកងរាជអាវុធហត្ថស្រុកម៉ាឡៃបានបញ្ជាក់ថា កាលពីថ្ងៃទី១៨ ខែកក្កដា ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកម៉ាឡៃ បានឃាត់ខ្លួនជនសង្ស័យ២នាក់ដែលធ្វើសកម្មភាពលួចម៉ូតូ១គ្រឿងក្នុងភូមិសាស្គ្រស្រុកម៉ាឡៃ។
ចំពោះជនសង្ស័យចំនួន១៣នាក់ដែលឃាត់ខ្លួន២ករណីដោយឡែកគ្នាត្រូវបាននាំយកសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីអនុវត្តន៍តាមច្បាប់ ៕
ចែករំលែកព័តមាននេះ