លោកអភិបាលរងក្រុង ដឹកនាំកម្លាំងចម្រុះចុះបង្ក្រាបបទល្មើសនេសាទខុសច្បាប់ ដូចភ្លៀងរលឹម ក្នុងរដូវបិទនេសាទ
- សៀមរាប
ខេត្តសៀមរាប ៖ បើតាមប្រសាសន៍របស់លោក ហាយ យង់ អភិបាលរង នៃគណៈអភិបាលក្រុងសៀមរាប បានប្រាប់ភ្នាក់ងារកោះសន្តិភាពយើងឱ្យដឹងនៅរសៀលថ្ងៃទី១៩ ខែកក្កដា ឆ្នាំ ២០២៦ នេះថា លោកបានដឹកនាំ ក្រុមការងារចម្រុះ មានដូចជា លោក ពត វណ្ណដេត នាយរងខណ្ឌ រដ្ឋបាលជលផលសៀមរាប បានដឹកនាំផ្នែករដ្ឋបាលជលផលចុងឃ្នៀស សង្កាត់រដ្ឋបាលជលផលភ្នំក្រោម សហគមន៍នេសាទចុងឃ្នៀស សហការជាមួយ ក្រុមអន្តរាគមន៍ថ្នាក់ជាតិទប់ស្កាត់ និងបង្ក្រាបបទល្មើសជលផល បឹងទន្លេសាបប្រចាំស្នាក់ការកំពង់ភ្លុក ដឹកនាំដោយលោក សោម សុវណ្ណ នាយរងអធិការដ្ឋានរដ្ឋបាលជលផលខាងជើងបឹង ទន្លេសាប ,រដ្ឋបាលក្រុងសៀមរាប រដ្ឋបាលសង្កាត់ចុងឃ្នៀស និង ប្រជាការពារសង្កាត់ចុងឃ្នៀស ,កម្លាំងកងទ័ពយោធភូមិភាគទី៤ ,កម្លាំងសរុបចំនួន ៤៦ នាក់ មធ្យោបាយកាណូតចំនួន ០៩ គ្រឿងបានចេញប្រតិបត្តិការចុះត្រួតពិនិត្យ-ទប់ស្កាត់ និងបង្ក្រាបបទល្មើស ចាប់ពីចំណុចមាត់ពាមចុងឃ្នៀស សង្កាត់ចុងឃ្នៀស ក្រុងសៀមរាបរហូតដល់ចំណុចជ្រោយពពាយ ដល់ចំណុចអូរប្រតប់ ស្ថិតក្នុងសង្កាត់ចុងឃ្នៀស ក្រុងខេត្តសៀមរាប ដូចភ្លៀងរលឹម ផងដែរ ។
លោក បញ្ជាក់ទៀតថា ក្នុងប្រតិបត្តិការបង្ក្រាបបទល្មើសនេសាទ ក្នុងរដូវបិទនេសាទនេះ កម្លាំងយើងបាន ចុះរុះរើ និងបំផ្លាញចោលឧបករណ៍នេសាទលូស្បៃមុងចំនួន ០១ ករណី វត្ថុតាងដែលជាឧបករណ៍នេសាទខុសច្បាប់ទាំងអស់ខាងលើត្រូវបានរុះរើ និងបំផ្លាញចោលនៅនឹងកន្លែងរួមមាន៖ – របាំងស្បៃមុងចំនួន ១១៥ គ្រឿង ។ -របាំងស្បៃមុងប្រវែង ៥.៥៥០ ម៉ែត្រ ។- ចំរឹងចំនួន ១.២០០ ដើម ។-លែងត្រីចំរុះ ចំនួន ១០០គ.ក្រ ចូលទៅក្នុងបឹងទន្លេសាប វិញផងដែរ៕
ចែករំលែកព័តមាននេះ