បន្ទាយមានជ័យ ៖ ក្មេងទំនើ.ងដែលធ្វើសកម្មភាពកាប់ប្លន់ត្រូវបានកម្លាំងនគរបាលក្រុងសិរីសោភ័ណឃាត់ខ្លួន បាន៨នាក់ ត្រូវបានបញ្ជូនទៅសាលាដំបូងខេត្តបន្ទាយមានជ័យ នៅថ្ងៃទី១៩ ខែកក្កដា ឆ្នាំ២០២៦ ។
លោកវរៈសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានប្រាប់ថា ៖ ជនសង្ស័យ៨នាក់ មាន១.ឈ្មោះ រ៉ន អូ ភេទប្រុស អាយុ១៥ឆ្នាំ ។ ២.ឈ្មោះ ទុន ពេទ្យតាន់ ភេទប្រុស អាយុ១៥ឆ្នាំ ។ ៣.ឈ្មោះ រឿន ស្វិត ភេទប្រុស អាយុ១៨ឆ្នាំ ។ ៤.ឈ្មោះ វ៉ាន់ ពិសាទ ភេទប្រុសអាយុ១៥ឆ្នាំ ។ ៥.ឈ្មោះ ផល ចាន់ ភេទប្រុស អាយុ១៨ឆ្នាំ ។ ៦.ឈ្មោះ ឈិន ភក្តី ភេទប្រុស អាយុ១៧ឆ្នាំ ។ ៧.ឈ្មោះ ផាត ផាត់ ភេទប្រុស អាយុ១៤ឆ្នាំ ។ ៨.ឈ្មោះ ចៃ ឆានុន ភេទប្រុស អាយុ២៦ឆ្នាំ រស់នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ។
លោកបានបញ្ជាក់ថា ៖ ក្រោយទទួលពាក្យបណ្តឹងពីឈ្មោះ ឆៃ ឆេន ភេទប្រុស អាយុ២២ឆ្នាំ (មុខរបធ្វើសំណង់)និងឈ្មោះ សួត សិទ្ធិ ភេទប្រុស អាយុ៣២ឆ្នាំ នៅភូមិគោកលៀប សង្កាត់ម្កាក់ ក្រុងសិរីសោភ័ណ បានប្តឹងជនសង្ស័យ១ក្រុម ជាង១០នាក់ជិះម៉ូតូ៤គ្រឿង មានកាំបិត២ដើម បានធ្វើសកម្មភាពកាប់ឈ្មោះ សួត សិទ្ធិ បណ្តាលរបួសធ្ងន់ផ្នែកខាងក្រោយ ត្រូវបានបញ្ជូនទៅមន្ទីពេទ្យ និងឈ្មោះ ឆៃ ឆេន រត់គេចខ្លួនប្លន់យកម៉ូតូ ហើយជនសង្ស័យបានគេចខ្លួនបាត់អស់ កាលពីយប់ថ្ងៃទី១៦ ខែកក្កដា ឆ្នាំ២០២៦ នៅចំណុចភូមិដីឡូត៍ សង្កាត់ទឹកថ្លា ក្រុងសិរីសោភ័ណ ។
លោកវរៈសេនីយ៍ឯក ស៊ី ឌី បានបញ្ជាក់ថា ៖ ក្រោយទទួលបណ្តឹងកម្លាំងអធិការដ្ឋាននគរបាលក្រុងសិរីសោភ័ណ បានស្រាវជ្រាវ និងកំណត់មុខសញ្ញាឃាត់ខ្លួនជនសង្ស័យ បានចំនួន៨នាក់ ម៉ូតូ២គ្រឿង ដែលជាមធ្យោបាយធ្វើសកម្មភាព និងបក្ខពួក៣នាក់ទៀត កំពុងគេចខ្លួនដែលឃាត់នៅថ្ងៃទី១៧ ខែកក្កដា ឆ្នាំ២០២៦ ស្ថិតភូមិគោរដ្ឋាន សង្កាត់អូរអំបិល ក្រុងសិរីសោភ័ណ៕
ចែករំលែកព័តមាននេះ