ក្រោយមានការតវ៉ា! ស្នងការខេត្តកំពតចេញមុខបញ្ជាក់ពីមូលហេតុចាប់ខ្លួនម្តាយនិងកូនដល់ខេត្តប៉ៃលិន
- កំពត
ខេត្តកំពត ៖ ក្រោយពីគេហទំព័រកោះសន្តិភាពបានចុះផ្សាយករណីពលរដ្ឋលើកគ្នាតវ៉ានៅមុខស្នងការនគរបាលខេត្តប៉ៃលិន ក្រោយស្ត្រីជាម្តាយនិងកូន ត្រូវនគរបាលខេត្តកំពតមកចាប់ដល់ផ្ទះ ដោយមិនដឹងមូលហេតុនោះ ត្រូវបានលោកឧត្តមសេ
នីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានឱ្យដឹងថា «ជំរាបជូនសាធារណៈជនអោយបានជ្រាបថា ករណីឃាត់ខ្លួនខាងលើនេះ ស្នងការដ្ឋាននគរបាលខេត្តកំពត បានសហការជាមួយស្នងការដ្ឋាននគរបាលខេត្តប៉ៃលិន ករណីខាងលើនេះ មិនមែនពាក់ពន្ធ័និងបញ្ហា scam online នោះទេ តែនេះជាក្រុម Hack តាម Telegrams ដែលសមត្ថកិច្ចបានប្រើប្រាស់ការងារជំនាញ និងស៊ើបអង្កេតនិងមានភស្តុតាងច្បាស់លាស់ ទើបឈានទៅដល់ការឃាត់ខ្លួនម្តាយនិងកូននៅខេត្តប៉ៃលិន ។ សូមបញ្ជាក់ថា ៖ ពលរដ្ឋលើកគ្នាតវ៉ានៅមុខស្នងការនគរបាលខេត្តប៉ៃលិន ក្រោយឃើញស្ត្រីម្តាយនិងកូន ត្រូវនគរបាលខេត្តកំពតមកចាប់ដល់ផ្ទះ ដោយមិនដឹងមូលហេតុ
លោកបន្តថា ដោយឡែក បក្សពួកប្រហែលជាគេចខ្លួនបាត់អស់ហើយ ក្រោយសារពត៏មានបានចុះផ្សាយ តែទោះជាយ៉ាងណាសមត្ថកិច្ចនៃស្នងការដ្ឋាននគរបាលខេត្តកំពត ក៏នៅបន្តធ្វើការស្រាវជ្រាវរកបក្សពួក និងមេក្លោងដើម្បីមកផ្តន្ទាទោសតាមច្បាប់ដែរ ។ ប្រជាពលរដ្ឋមិនតិចនាក់នោះទេ ដែលបានរងគ្រោះដោយសារករណី Hack តាម telegrams ។
ចែករំលែកព័តមាននេះ