កុងតឺន័របើកឡើងលើស្ពានអាកាសមរតកតេជោ ទាក់របាដែកកំណត់កម្ពស់ បា.ក់ធ្លាក់មកក្រោម
- ភ្នំពេញ
រាជធានីភ្នំពេញ ៖ រថយន្តកុងតីន័រ១គ្រឿងបើកឡើងស្ពានអាកាសមរតកតេជោ បណ្តាលឲ្យទាក់ជាមួយរបាដែកកំណត់កម្ពស់ស្ពានបាក់ធ្លាក់មកក្រោម កាលពីវេលាម៉ោង ១១និង១០នាទីយប់ ថ្ងៃទី១៦ ខែកក្កដា ឆ្នាំ២០២៦ នៅចំណុចគល់ស្ពានអាកាសមរតតេជោ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ប្រភពព័ត៌មានពីពលរដ្ឋដែលបានឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរសម្នាក់បើកបររថយន្តកុងតីន័រ១គ្រឿង ធ្វើដំណើរចុះពីស្ពានច្បារអំពៅ ទិសដៅពីកើតទៅលិច សំដៅទៅកាន់ស្ពានអាកាសមរតកតេជោ ។ លុះមកដល់ចំណុចកើតហេតុ មិនច្បាស់ថាតៃកុងរថយន្តស្គាល់ផ្លូវឬអត់នោះទេ ទើបបើករថយន្តឡើងស្ពានអាកាសមរតកតេជោ បង្កជាគ្រោះថ្នាក់បុករបាដែកកំណត់កម្ពស់យានយន្តឆ្លងកាត់បណ្តាលឲ្យដាច់បាក់ធ្លាក់មកដី ។
អ្នកឃើញហេតុការណ៍បានបន្តទៀតថាអាចថាជាសំណាងល្អ ដែលរបាដែកនោះ មិនបានធ្លាក់ចំអ្នកដំណើរដែលឆ្លងកាត់ទីតាំងខាងលើ ទើបមិនបង្កអោយមានមនុស្សរងរបួស ។
ក្រោយកើតហេតុសមត្ថកិច្ចមូលដ្ឋានបានទាក់ទងទៅកាន់សមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តចូលខ្លួនទៅដោះស្រាយតាមនីតិវិធីនៅពេលក្រោយ៕
ចែករំលែកព័តមាននេះ