មន្ទីរសុខាភិបាលខេត្តតាកែវ បន្តយុទ្ធនាការ ៣០ថ្ងៃ ប្រយុទ្ធនឹងជំងឺគ្រុនឈា.ម និងអំពាវនាវដល់ពលរដ្ឋ បន្តអនុវត្តវិធានការ «៣កុំ ៣បំបាត់»
- តាកែវ
ខេត្តតាកែវ ៖ សកម្មភាពអប់រំសុខភាពដាក់អាបែត បាញ់ថ្នាំតាមខ្នងផ្ទះដើម្បីបង្ការ និងទប់ស្កាត់ជំងឺគ្រុនឈាម និងជំងឺឈីកុនហ្គុនយ៉ា កាលពីថ្ងៃទី១៥ កក្កដា ២០២៦ នេះ ក្នុងការគាំទ្រយុទ្ធនាការ ៣០ថ្ងៃ ប្រយុទ្ធនឹងជំងឺគ្រុនឈាម មន្ទីរសុខាភិបាលនៃរដ្ឋបាលខេត្តតាកែវ បានដឹកនាំផ្ទាល់ដោយ លោកឱសថការី ផាន់ វ៉ាន់ ប្រធានមន្ទីរសុខាភិបាលខេត្តដោយមានការចូលរួមពីអាជ្ញាធរស្រុកលោកស្រីវេជ្ជបណ្ឌិត ច័ន្ទ នារីប្រធានស្រុកប្រតិបត្តិ ប្រធាននិងមន្ត្រីមណ្ឌលសុខភាពអង្គតាសោម អាជ្ញាធរឃុំ-ភូមិ បានចុះអនុវត្តសកម្មភាពអប់រំសុខភាពនិងដាក់អាបែតតាមពាង និងអាងទឹកនៅតំបន់ប្រឈមក្នុង ភូមិត្រពាំងខ្នារ ឃុំអង្គតាសោមស្រុកត្រាំកក់(វត្តវេឡុវ័នហៅវត្តត្រពាំងខ្នារ)។
សកម្មភាពបានអនុវត្តនៅ៖ភូមិត្រពាំងខ្នារ៖ 276 ខ្នងផ្ទះ ប្រជាជនសរុប1178នាក់
លោកប្រធានមន្ទីរបានបញ្ជាក់ថា ចំពោះសកម្មភាពនេះមានគោលបំណងកាត់បន្ថយមូសខ្លាជាភ្នាក់ងារចម្លងជំងឺគ្រុនឈាម និងជំងឺឈីកុនហ្គុនយ៉ា លុបបំបាត់ដង្កូវទឹក និងពង្រឹងការចូលរួមរបស់សហគមន៍ក្នុងការអនុវត្តវិធានការបង្ការ។
លោកប្រធានមន្ទីរសុខាភិបាល សូមអំពាវនាវដល់ប្រជាពលរដ្ឋ បន្តអនុវត្តវិធានការ «៣កុំ ៣បំបាត់»៖
-កុំឱ្យមូសខាំ
-កុំឱ្យមូសបង្កាត់ពូជ
-កុំធ្វេសប្រហែសពេលមានគ្រុនក្តៅ
-បំបាត់ទឹកដក់
-បំបាត់ដង្កូវទឹក
-បំបាត់ជម្រកមូសខ្លា
ការបាញ់ថ្នាំ និងដាក់អាបែត ជួយកាត់បន្ថយមូសខ្លា ប៉ុន្តែការលុបបំបាត់ប្រភពទឹកដក់ និងការចូលរួមរបស់គ្រប់គ្រួសារ ទើបជាវិធានការដ៏មានប្រសិទ្ធភាព ៕
ចែករំលែកព័តមាននេះ