សហភាពអឹរ៉ុប-ស៊ូដង់ ៖ ក្រុមប្រឹក្សាអឺរ៉ុបអះអាង កាលពីថ្ងៃទី១៤ កក្កដា ថា មាសបានក្លាយជាប្រភពសំខាន់នៃចំណូលសម្រាប់ចំណាយក្នុងការធ្វើសង្គ្រាមនៅស៊ូដង់។
ស៊ូដង់ជាអ្នកផលិតមាសធំមួយ ក្នុងចំណោមអ្នកផលិតមាសធំៗនៅទ្វីបអាហ្វ្រិក ។ ធនធាននោះ ជាប្រភពសំខាន់នៃចំណូលរបស់ភាគីច្បាំងគ្នាទាំង២នៅស៊ូដង់។ កងកម្លាំងប៉ារ៉ាជាអ្នកត្រួតត្រាបណ្ដាអណ្ដូងរ៉ែមាសនៅតំបន់ដាហ្វួរ និងគ័រដូហ្វាន ហើយកងទ័ពស៊ូដង់ជាអ្នកត្រួតត្រាអណ្ដូងរ៉ែមាសនៅភាគខាងកើត និងខាងជើងប្រទេស។
កាលពីឆ្នាំ២០២៤ មាស៣១តោន ត្រូវបាននាំចេញដោយខុសច្បាប់ ហើយបណ្ដាអ្នកជំនាញការយល់ថា មាស៤០តោនត្រូវបាននាំចេញពីប្រទេសដោយលួចលាក់ ។ មាសត្រូវបាននាំចេញ កាត់តាមបណ្ដាប្រទេសជិតខាងពិសេសអេហ្ស៊ីប ឆាដ និងលីប៊ីមុនពេលទៅដល់ក្រុងឌូបៃអេមីរ៉ាត់អារ៉ាប់រួម ជាកន្លែងចម្រាញ់ និងធ្វើពាណិជ្ចកម្មមាសសំខាន់នៃពិភពលោក ។
បណ្ដាអ្នកជំនាញការបានព្រមានថា ទណ្ឌកម្មនេះរបស់សហភាពអឹរ៉ុបតែឯង មិនគ្រប់គ្រាន់ឡើយក្នុងការទប់ស្កាត់ប្រភពហិរញ្ញវត្ថុសម្រាប់ធ្វើសង្គ្រាម ។ សហភាពអឺរ៉ុបគ្រាន់តែជាអ្នកនាំចូលមាសមិនដល់១០%ផងនៃពាណិជ្ជកម្មមាសពិភពលោក ៕
ចែករំលែកព័តមាននេះ