ទីក្រុងការ៉ាកាស៖ ចំនួនអ្នកស្លាប់ដោយសាររញ្ជួយដីទ្វេដងកម្រិត ៧,២ និង ៧,៥ រ៉ិចទ័រ ដែលបានវាយប្រហារវ៉េណេស៊ុយអេឡាកាលពីថ្ងៃទី២៤ ខែមិថុនា បានកើនដល់ ៤,៥៦១នាក់ ខណៈ ១៦,៧៤០នាក់បានរងរបួស។ នេះបើយោងតាមការចុះផ្សាយរបស់សារព័ត៌មាន ស៊ីនហួ នៅថ្ងៃទី១៤ ខែកក្កដានេះ។

អាជ្ញាធរបានបង្កើតជំរំបណ្តោះអាសន្នចំនួន ១០៧កន្លែង សម្រាប់ជនរងគ្រោះជាង ២ម៉ឺននាក់ ខណៈមនុស្ស ១៧,៩០៧នាក់នៅតែគ្មានផ្ទះសម្បែង និងអគារចំនួន ៨៥៦ខ្នង បានរងការខូចខាត។ គិតមកទល់ពេលនេះ ប្រទេសនេះបានកត់ត្រាការរញ្ជួយដីបន្ទាប់​ចំនួន ១,២៥៤លើក ហើយកម្លាំងសង្គ្រោះជាង ៦ម៉ឺននាក់ រួមទាំងក្រុមអន្តរជាតិ កំពុងបន្តប្រតិបត្តិការជួយសង្គ្រោះ៕