សង្គ្រាមអ៉ីរ៉ង់ ៖ នាព្រឹកថ្ងៃទី១៤ កក្កដា កងទ័ពអាមេរិកបន្តវាយប្រហារខ្លាំងក្លា ប្រឆាំងអ៉ីរ៉ង់ ។ ការវាយប្រហារថ្មីទាំងនោះ កើតមានប៉ុន្មានម៉ោង បន្ទាប់ពីប្រធានាធិបតីអាមេរិកលោកដូណាល់ត្រាំ ប្រកាសពីការបិទខ្ទប់ឡើងវិញច្រកសមុទ្រហ័រមូស។
ម្យ៉ាងទៀត លោកត្រាំឲ្យដឹងថា អាមេរិកនឹងដាក់ច្បាប់ឆ្លងកាត់ច្រកសមុទ្រហ័រមូសសម្រាប់នាវាដទៃៗទៀតដែលបែបនេះជាការធ្វើផ្ទុយពីនយោបាយអាមេរិកឲ្យមានសេរីភាពក្នុងការធ្វើនាវាចរណ៍ដោយសេរីលើពិភពលោក ដែលមានចាប់តាំងពីច្រើនសតវត្សរ៍មកហើយ។
អ៉ីរ៉ង់បានតបវិញ តាមរយៈការវាយប្រហារលើប្រទេសបារ៉ែន ដែលមានមូលដ្ឋានរបស់កងនាវាចរណ៍ទី៥របស់អាមេរិក និងវាយប្រហារលើនាវាដឹកប្រេង២គ្រឿងរបស់អេមីរ៉ាត់អារ៉ាប់រួម ដែលឆ្លងកាត់ច្រកសមុទ្រនេះ បណ្ដាលឲ្យមនុស្សម្នាក់ស្លាប់និងរបួស៨នាក់ ក្នុងចំណោមសមាជិកក្រុមនាវិក ។ អេមីរ៉ាត់អារ៉ាប់រួមបានកំរាមសងសឹកវិញ ដែលអាចបណ្ដាលឲ្យមានជម្លោះថ្មីរវាងប្រទេសនេះ និងក្រុងអាប៊ូដាប៊ីព្រមទាំងក្រុងឌូបៃ។
ការវាយប្រហារទាំងនេះ កើតមានពេលដែលអាមេរិក និងអ៉ីរ៉ង់ឈ្លោះគ្នាលើការការត្រួតត្រាច្រកសមុទ្រហ័រមូស ។ ទីបញ្ជាការដ្ឋានកណ្ដាលកងទ័ពអាមេរិកនៅមជ្ឈឹមបូព៌ា ប្រកាសតាមបណ្ដាញសង្គមថា កងទ័ពអាមេរិកបានវាយប្រហារថ្មីមួយចំនួនប្រឆាំងអ៉ីរ៉ង់ំ នាំឲ្យរងការបាត់បង់ធ្ងន់ធ្ងរ ហើយកាត់បន្ថយសមត្ថភាពវាយប្រហារលើបណ្ដាជនស៊ីវិលស្លូតត្រង់ និងការធ្វើនាវាចរណ៍ពាណិជ្ជកម្មក្នុងច្រកសមុទ្រហ័រមូស ។ បន្ទាប់ពីការប្រកាសពីការវាយប្រហារនោះមកលោកត្រាំចាត់ទុកប្រតិបត្តិការនោះថា ជាការវាយប្រហារចម្បងថ្មី ។ លោកថា យើងវាយប្រហារខ្លាំងបំផុត ហើយបែបនេះ នឹងបន្តទៅទៀត យើងរង់ចាំមើលចុះ។ យើងនឹងកម្ទេចរាល់សមត្ថភាពវាយលុករបស់អ៉ីរ៉ង់ ហើយយើងនឹងត្រួតត្រាច្រកសមុទ្រហ័រមូស ។ យើងស្ដារឡើងវិញការបិទខ្ទប់ច្រកសមុទ្រនេះ ។
ប្រធានាធិបតីអាមេរិកក៏បញ្ជាក់ផងដែរ ពីការផ្លាស់ប្ដូរចិត្តរបស់រដ្ឋាភិបាលលោក ដោយឲ្យដឹងថា រដ្ឋាភិបាលលោកនឹងបង្កើតច្បាប់ឆ្លងកាត់ច្រកសមុទ្រហ័រមូស សម្រាប់បណ្ដានាវាឆ្លងកាត់ច្រកសមុទ្រនេះ បន្ទាប់ពីមុននេះអះអាងផ្ទុយពីនោះ ។ លោកនិយាយថា យើងការពារតំបន់ដ៏រុងរឿងបំផុតនោះនៃពិភពលោក។ យើងនឹងចំណាយប្រាក់តែយើងនឹងទទួលបានមកវិញប្រាក់ថ្លៃការពារ ។ នេះជាការផ្លាស់ប្ដូរមួយនៃនយោបាយអាមេរិក ៕
ចែករំលែកព័តមាននេះ