យេម៉ែន-អារ៉ាប៊ីសាអូឌីត ៖ ពួកឧទ្ទាមហ៊ូធីយេម៉ែន គាំទ្រដោយអ៉ីរ៉ង់គូសបញ្ជាក់ កាលពីថ្ងៃទី១៣ កក្កដា ថា បានប្រើមីស៊ីល និងដ្រូន វាយប្រហារព្រលានយន្តហោះអន្តរជាតABHA អារ៉ាប៊ីសាអូឌីត ជាការសងសឹក ចំពោះការវាយប្រហារតាមអាកាសរបស់ប្រទេសនោះប្រឆាំងព្រលានយន្តហោះអន្តរជាតិក្រុងសាណារដ្ឋធានីយេម៉ែននាពេលមុននេះ ។
ការវាយប្រហារនោះ បណ្ដាលឲ្យស្លាប់មនុស្សម្នាក់ ហើយបង្ហាញពីការកើនឡើងនៃភាពតានតឹងពុំធ្លាប់មាន ក្រោយភាពស្ងប់ស្ងាត់មួយរយៈ ចាប់តាំងពីក្រុមចម្រុះដឹកនាំដោយអារ៉ាប៊ិសាអូឌីត វាយប្រហារបណ្ដាតំបន់ស្ថិតក្រោមការកាន់កាប់របស់ពួកហ៊ូធីដែលត្រួតត្រារដ្ឋធានីយេម៉ែនក្រុងសាណាអស់ពេលច្រើនឆ្នាំមក។
អ្នកនាំពាក្យយោធារបស់ហ៊ូធី ឧត្ដម សេនីយសាយ៉ាសារេ បានព្រមានប្រាប់ដល់បណ្ដាក្រុមហ៊ុនអាកាសចរណ៍ ចំពោះការហោះហើរនៃយន្តហោះពួកកេ ក្នុងដែនអាកាសអារ៉ាប៊ីសាអូឌីត ។ ក្នុងវីដេអូមួយផ្សាយតាមតេឡេក្រាម ឧត្ដមសេនីយរូបនោះបញ្ជាក់ថា ការព្រមាននេះត្រូវចាប់អារម្មណ៍ឲ្យខ្ពស់ រហូតដល់ការលុបចោលការខ្ទប់ព្រលានយន្តហោះក្រុងសាណា ។
រដ្ឋាភិបាលយេម៉ែនទទួលស្គាល់ដោយសហគមន៍អន្តរជាតិមុននេះថ្លែងថា ការវាយប្រហារព្រលានយន្តហោះក្រុងសាណា គឺសំដៅរារាំងយន្តហោះអ៉ីរ៉ងមួយមិនឲ្យចុះនៅទីនោះ ។ ពួកឧទ្ទាមហ៊ូធីបានសន្យាពីការសងសឹកវិញចំពោះការវាយប្រហារនោះ ដែលកំណត់ពីការកើនឡើងថ្មីនៃភាពតានតឹងរវាងអារ៉ាប៊ីសាអូឌីតនិងពួកហ៊ូធី ក្រោយដំណាក់កាលស្ងប់ស្ងាត់មួយមក ៕
ចែករំលែកព័តមាននេះ