ថ្ងៃនេះ! ជំនន់ទឹកភ្លៀងកំពុងវា.យលុកនៅប៉ែកខាងលើស្រុកវាលវែង ខេត្តពោធិ៍សាត់
- ពោធិ៍សាត់
ខេត្តពោធិ៍សាត់ ៖ ព្រឹកថ្ងៃទី ១៣ ខែ កក្កដា ឆ្នាំ២០២៦នេះ ជំនន់ទឹកភ្លៀងកំពុងវាយលុកយ៉ាងខ្លាំងនៅប៉ែកខាងលើស្រុកវាលវែង ប៉ុន្តែមិនទាន់ធ្លាក់មកដល់ប៉ែកខាងក្រោមទេ។
តាមការផ្ដល់ព័ត៌មានពីមន្ទីរជំនាញធនធានទឹកនិងឧតុនិយមខេត្ត បានឲ្យដឹងថា ស្ថានភាពទឹកតាមអាងស្តុកទឹក និងស្ថានីយ៍វាស់កំពស់ទឹកមានដូចជា៖
ទំនប់ទី ៥ មានកម្ពស់ទឹកជាក់ស្តែង ៩,០០ម៉ែត្រ ដែលកម្ពស់ទឹកប្រុងប្រយ័ត្ន១១,០០ ម៉ែត្រ។
ទំនប់ ទី ៣ មានកម្ពស់ទឹកជាក់ស្តែង ១០,៤០ម៉ែត្រ ដែលកំពស់ទឹកប្រុងប្រយ័ត្ន ២១,០០ ម៉ែត្រ ។ ស្ថានីយ៍ វាស់កម្ពស់ទឹក វាលវែង កំពស់ទឹកមាន ៨,០០ម៉ែត្រ (កម្ពស់ប្រុងប្រយត្ន័ ៩,០០ ម៉ែត្រ) ។ ស្ថានីយ៍ វាស់កម្ពស់ទឹក បាក់ត្រកួន កំពស់ទឹកមាន -១,៨៣ម៉ែត្រ (កម្ពស់ប្រុងប្រយ័ត្ន៦,០០ ម៉ែត្រ)។
ស្ថានីយ៍ វាស់កម្ពស់ទឹក ក្បាលហុង កម្ពស់ទឹកមាន ១,៤១ម៉ែត្រ (កម្ពស់ប្រុងប្រយត្ន័ ៥,០០ ម៉ែត្រ ) ។ ស្ថានីយ៍ វាស់កម្ពស់ទឹក ចារឹក កម្ពស់ទឹកមាន ២,៨០ម៉ែត្រ (កម្ពស់ប្រុងប្រយ័ត្ន ៦,០០ ម៉ែត្រ ) ។
មន្ទីរធនធានទឹកនិងឧតុនិយមបានបញ្ជាក់ថា ដោយចាប់ពីថ្ងៃទី ១២ ដល់ថ្ងៃទី ១៤ ខែ កក្កដា ឆ្នាំ២០២៦ ខេត្តពោធិ៍សាត់ ទទួលឥទ្ធិពលពីប្រពន្ធ័សម្ពាធទាបខ្យល់មូសុងនិរតី និងខ្យល់ប្រ៊ីស លក្ខណះបែបនេះមានភ្លៀងធ្លាក់ច្រើននៅផ្នែកជួរភ្នំក្រវាញ ពិសេសតាមជួរភ្នំនៃស្រុកវាលវែង ដែលបង្កមានទឹកភ្លៀងប្រមូលផ្តុំធ្លាក់មកតាមដងស្ទឹងប្រមោយ(ស្ទឹងធំ) កម្ពស់ទឹកហក់ឡើងលឿន តែស្ថានភាពបែបនេះ មិនទាន់ដល់ចំនុចប្រកាសអាសន្ននៅឡើយ ។
នៅទំនប់ទី១ នៃស្ទឹងប្រម៉ោយ (ទំនប់វារីអគ្គីសនី) បានបិតទ្វារទឹក ដើម្បីស្តុកទឹកក្នុងតម្រូវការថាមពលភ្លើង និងមិនមានតម្រូវការបើកបង្ហូរនៅឡើយ ។ ស្ថានភាពបែបនេះ ទឹកស្ទឹងពោធិ៍សាត់មិនទាន់មានការជន់លិច ទទួលទឹករបបទឹកភ្លៀងពីស្ទឹងប្រម៉ោយនេះទេ ។ មន្ទីរនៅតាមដានពីរបបទឹកភ្លៀង និងស្ថានភាពទឹកតាមដងស្ទឹងបន្តជូនសាធារ:ជនបានទាន់ពេលវេលា ៕
ចែករំលែកព័តមាននេះ