រយៈពេលប្រមាណជា១ឆ្នាំកន្លះ នៃវិបត្តិបិទព្រំដែនរវាងកម្ពុជា និងថៃ ដែលកើតឡើងដោយការឈ្លានពានរបស់ថៃ ក៏ដូចជា ការសកម្មភាពគ្រប់គ្រងដែនអធិបតេយ្យកម្ពុជាមួយផ្នែកនៅតំបន់ជម្លោះដោយខុសច្បាប់ ការនាំចូលទំនិញពីថៃមកក្នុងទីផ្សារនៅកម្ពុជា ធ្លាក់ចុះប្រមាណជាពី៣៨,៦ភាគរយ ដល់ទៅជិត៤២ភាគរយ ។
ស្ថិតិមួយដែលអគ្គនាយករដ្ឋគយ និងរដ្ឋាករកម្ពុជា បានប្រកាសនាពេលថ្មីៗនេះបានឲ្យដឹងថា មួយឆ្នាំចាប់តាំងពីកម្ពុជា និងថៃ បានបិទច្រកព្រំដែនរបស់ពួកគេ ក្នុងខែកក្កដា ឆ្នាំ២០២៥ ការនាំចូលពីប្រទេសថៃ បានធ្លាក់ចុះ៣៨,៦ ភាគរយមកនៅត្រឹម ២,២ ពាន់លានដុល្លារ ពោល គឺធ្លាក់ចុះពី៣,៦ ពាន់លានដុល្លារក្នុងរយៈពេលដូចគ្នា ក្នុងឆ្នាំ២០២៤ ។
ប្រភពដដែលបានបន្តថា នៅក្នុងរយៈពេល៦ខែ នៃឆ្នាំ២០២៦នេះ ការនាំចូលពីថៃ មានតម្លៃជាង១ពាន់លានដុល្លារ ពោល គឺធ្លាក់ចុះ៤១,៩ភាគរយធៀបនឹងរយៈពេលដូចគ្នាកាលពីឆ្នាំ២០២៥ ៕
ចែករំលែកព័តមាននេះ