ប្រទេសចិន ៖ ពួកអ្នកជួយសង្គ្រោះ នាថ្ងៃទី៨ កក្កដា បានខិតខំទៅកាន់បណ្ដាតំបន់មានទឹកជន់លិច ដើម្បីជួយដល់បណ្ដាអ្នករងគ្រោះដែលមួយចំនួនខិតខំរៀបចំផ្ទះសម្បែងឡើងវិញ ក្រោយរងការបំផ្លាញដោយទឹកជំនន់មកពីភ្លៀងធ្លាក់ខ្លាំង ដែលបណ្ដាលឲ្យមនុស្សស្លាប់១៧នាក់រួចហើយ។ ទឹកជំនន់បណ្ដាលឲ្យបាក់ទំនប់មួយ ។
បណ្ដាសារព័ត៌មានចិនរាយការណ៍ នាថ្ងៃទី៧ កក្កដា ថា ព្យុះនានានិងខ្យល់បោកបក់ខ្លាំងបណ្ដាលឲ្យមនុស្សស្លាប់យ៉ាងតិច១៥នាក់ និងរបួស២៧៥នាក់នៅភាគកណ្ដាលចិន ចំណែកភ្លៀងធ្លាក់ខ្លាំង និងទឹកជំនន់នាំឲ្យមនុស្សស្លាប់២នាក់ នៅភាគខាងត្បូងប្រទេស។
ការគំរាមកំហែងនៅតែបន្ត ដោយចិនកំពុងប្រឈមមុខនឹងព្យុះដ៏ខ្លាំងបំផុតមួយទៀតដែលនាចុងសប្ដាហ៍នេះ វាយប្រហារលើឆ្នេរសមុទ្រខាងកើតរបស់ប្រទេស ជាមួយខ្យល់បោកបក់ខ្លាំងបំផុត និងភ្លៀងធ្លាក់ខ្លាំង។ ព្យុះទីហ្វុងដ៏ខ្លាំងឈ្មោះBAVI អាចបោកបក់មកដល់ដែនដីនាយប់ថ្ងៃទី១១ កក្កដា ត្រង់តំបន់ស្ថិតនៅចម្ងាយប្រមាណ៤០០គីឡូម៉ែត្រ ខាងត្បូងក្រុងសៀងហៃ។
ក្នុងទឹកជំនន់ដ៏អាក្រក់ កាលពីថ្ងៃទី៧ កក្កដា បណ្ដារូបភាពផ្សាយតាមទូរទស្សន៍ចិនCCTVបង្ហាញទឹកហូរកួចដ៏ត្របាញ់នាំយករថយន្តទាំងឡាយទៅជាមួយ ។ ផ្ទះទាំងឡាយព្រមទាំងបណ្ដារថយន្តត្រូវទឹកជន់លិច ។ ក្រុមអ្នកជួយសង្គ្រោះបានប្រើនាវាកៅស៊ូ ។ ប្រធានាធិបតីចិនលោកស៊ីជីនពីងអំពាវនាវ កាលពីថ្ងៃទី៧ កក្កដា ឲ្យមានប្រតិបត្តិការសង្គ្រោះគ្រប់បែបយ៉ាង ៕
ចែករំលែកព័តមាននេះ