សង្គ្រាមអ៉ីរ៉ង់ ៖ សង្គ្រាមនៅមជ្ឈឹមបូព៌ាផ្ទុះឡើងវិញ ។ កងទ័ពអាមេរិក កាលពីថ្ងៃទី៨ កក្កដា បានវាយប្រហារខ្លាំងក្លាថ្មីៗទៀត ដូចការប្រកាសរបស់លោកដូណាល់ត្រាំ ដែលគំរាមពីការវាយប្រការកាន់តែអាក្រក់ប្រសិន បើអ៉ីរ៉ង់បន្តវាយប្រហារលើបណ្ដា
នាវាពាណិជ្ជកម្មក្នុងច្រកសមុទ្រហ័រមូស ។
តាមបណ្ដាញសង្គមTRUHT SOCIALប្រធានាធិបតីអាមេរិកលើកឡើងថា នេះជាចម្លើយតបចំពោះការវាយប្រហារលើបណ្ដានាវាពាណិជ្ជកម្មមុននេះរបស់អ៉ីរ៉ង់។ ប្រសិនបើរឿងបែបនេះកើតមានទៀត នោះអាមេរិកនឹងវាយប្រហារអ៉ីរ៉ង់កាន់តែអាក្រក់ថែមទៀត។ លោកសន្យាថា កងទ័ពអាមេរិកវាយប្រហារខ្លាំងលើអ៉ីរ៉ង់នាយប់ថ្ងៃទី៨ កក្កដា។
មុននេះ លោកត្រាំអះអាងថា បទឈប់បាញ់គ្នាលែងប្រកាន់ទៀតហើយ បន្ទាប់ពីការវាយប្រហារតតាំងគ្នា ដែលអាចបំផ្លាញការខិតខំប្រឹងប្រែងសំដៅបញ្ចប់សង្គ្រាម ។ ទោះបីយ៉ាងណា លោកអះអាងថា ការប៉ះទង្គិចបង្ហូរឈាមគ្នាថ្មីៗនេះ អាចចប់វិញដោយរហ័សបំផុត ហើយបើកទ្វារចំហសម្រាប់បន្តរកដំណោះស្រាយការទូតជាមួយអ៉ីរ៉ង់។
កងទ័ពអាមេរិកគូសបញ្ជាក់តាមបណ្ដាញសង្គមXថា ការវាយប្រហារថ្មីៗរបស់ខ្លួន សំដៅធ្វើឲ្យចុះខ្សោយថែមទៀតដល់សមត្ថភាពរបស់អ៉ីរ៉ង់ ក្នុងការរារាំងដល់ការធ្វើចរាចរណ៍ដោយសេរី ក្នុងច្រកសមុទ្រហ័រមូសដោយចោទអ៉ីរ៉ង់ថា ជាអ្នកទទួលខុសត្រូវចំពោះការវាយប្រហារនាពេលថ្មីៗនេះ ប្រឆាំងបណ្ដានាវាពាណិជ្ជកម្មដែលបើកកាត់ច្រកសមុទ្រនោះ។
បណ្ដាសារព័រត៌មានរដ្ឋអ៉ីរ៉ង់គូសបញ្ជាក់ថា ស្នូរផ្ទុះនានាបានលាន់ឮក្នុងទីក្រុងកំពង់ផែបានដាអាប់បាស់ ក្រុងកូណារ៉ាក់និងក្រុងចាបាហារ។ តាមបណ្ដាញសង្គមX លោកម៉ូហ៍សេនរេហ្សាអីទីប្រឹក្សាយោធារបស់មេដឹកនាំកំពូលអ៉ីរ៉ង់សរសេរថា សត្រូវឈ្លានពាននិងពួកអ្នករួមគំនិតនឹងទទួលទណ្ឌកម្មដ៏ម៉ឺងម៉ាត់។
ច្រកសមុទ្រយុទ្ធសាស្ត្រហ័រមូសនៅតែជាចំណុចស្នូលនៃភាពតានតឹង។ អ៉ីរ៉ង់ទាមទារសិទ្ធិគ្រប់គ្រងច្រកសមុទ្រនោះទោះបីជាមានការប្រឆាំងរបស់អាមេរិក ។ ហើយគំរាមវាយប្រហារបណ្ដានាវាដែលឆ្លងកាត់ច្រកនោះដោយគ្មានការអនុញ្ញាត។
បន្ទាប់ពីកិច្ចប្រជុំកំពូលអូតង់នៅតួកគី លោកត្រាំថ្លែងថា អ៉ីរ៉ង់វាយប្រហារនាវាមួយចំនួន ហេតុនេះហើយបានជាយើងវាយប្រហារគេខ្លាំងក្លា តែយើងមិនចង់បន្តការវាយប្រហាររយៈពេលយូរឡើយ។
ខ្ញុំគិតថាអ្វីដែលកើតមាននឹងបញ្ចប់ទៅវិញដោយរហ័ស។ យោងតាមកងទ័ពអាមេរិកថា ការវាយប្រហារដាក់ទោសអ៉ីរ៉ង់ធ្វើឡើងក្រោយប្រទេសនេះ វាយប្រហារនាវាពាណិជ្ជកម្ម៣គ្រឿង។ អាមេរិកវាយប្រហារលើគោលដៅយោធាអ៉ីរ៉ងជាង៩០ នាយប់ថ្ងៃទី៧ មក៨ កក្កដា។ តាមទូរទស្សន៍អ៉ីរ៉ង់ថា ទាហានអ៉ីរ៉ង់៨នាក់ស្លាប់ នៅក្រុងបានដាអាប់បាស់ និងនៅក្រុងប៊ូឈ័រនិងលើកោះKHARG ជាទីតាំងប្រេងកាតសំខាន់របស់អ៉ីរ៉ង់។
ចំណែកអ៉ីរ៉ង់វិញ ជាការសងសឹកបានវាយប្រហារទីតាំង៨៥ ក្នុងមូលដ្ឋានយោធាអាមេរិកនៅគុយវ៉ែតនិងបារ៉ែន។ ទោះបីជាលោកថា លែងចង់ថ្វើការជាមួយបណ្ដាមេដឹកនាំអ៉ីរ៉ង់ ដោយចាត់ទុកថាការចរចានាំឲ្យខាតពេលក្ដី តែលោកត្រាំនៅបានគូសបញ្ជាក់ថា បណ្ដាបេសកជនរបស់លោកអាចបន្តការពិភាក្សាគ្នា។
ការវាយប្រហារថ្មីៗនេះរបស់អាមេរិកលើអ៉ីរ៉ង់នាំឲ្យតម្លៃប្រេងហក់ខ្ពស់ឡើងវិញ ដោយប្រេងឆៅBRENT នាថ្ងៃទី៨ កក្កដា បានឡើងថ្លៃជាង៨% ដល់៨០,១០ដុល្លារក្នុង១ធុង។ ទន្ទឹមនឹងការវាយប្រហារថ្មីនេះ អាមេរិកក៏ដាក់ទណ្ឌកម្មពាណិជ្ចកម្ម លើប្រេង
អ៉ីរ៉ង់ឡើងវិញដោយអះអាងថា បែបនេះជាការឆ្លើយតបចំពោះបណ្ដាសកម្មភាពដែលមិនអាចទទួលយកបានទាំងស្រុង របស់
អ៉ីរ៉ង់ក្នុងច្រកសមុទ្រហ័រមូស ។
អាមេរិកនិងអ៉ីរ៉ង់បានចុះហត្ថលេខា កាលពីថ្ងៃទី១៧ មិថុនា លើពិធីសារនៃកិច្ចព្រមព្រៀងមួយ ដើម្បីបញ្ចប់សង្គ្រាម ។ កិច្ចព្រមព្រៀងនោះគ្រោងជាពិសេស ការបើកឡើងវិញច្រកសមុទ្រហ័រមូស ព្រមទាំងការលុបចោលបណ្ដាទណ្ឌកម្មអាមេរិកលើការនាំចេញប្រេងរបស់អ៉ីរ៉ង់ ៕
ចែករំលែកព័តមាននេះ