​ទីក្រុងប៉េកាំង៖​ យ៉ាងហោចណាស់មនុស្ស ​២១នាក់​ ស្លាប់ក្នុងគ្រោះរអិលបាក់ដីនៅខេត្ត ​កានស៊ូ​ ភាគពាយព្យប្រទេសចិន សុទ្ធសឹងជាកម្មករព្រៃឈើដែលកំពុងធ្វើដំណើរទៅថែទាំ និងសម្អាតតំបន់ព្រៃ។ ហេតុការណ៍នេះបានកើតឡើងកាលពីព្រឹកថ្ងៃទី៧ ខែកក្កដា ខណៈមានអ្នករស់រានមានជីវិត ​១២នាក់​ ក្នុងនោះ ​៧នាក់​ រងរបួសស្រាល។ នេះបើយោងតាមការចុះផ្សាយរបស់សារព័ត៌មាន AP នៅថ្ងៃទី៨ ខែកក្កដានេះ។

អាជ្ញាធរចិនបានបញ្ជាក់ថា គ្រោះបាក់ដីនេះបង្កឡើងដោយការរួមបញ្ចូលគ្នានៃភូមិសាស្ត្រជម្រាលខ្ពស់ ការកកើតសំណឹកដី និងលក្ខណៈភូគព្ភសាស្ត្ររបស់តំបន់ ហើយនៅតែមានហានិភ័យកើតបាក់ដីបន្ថែមទៀត៕