ខ្យល់កន្ត្រាក់វា.យប្រ.ហារផ្ទះអ្នកនេសាទខូចខាត០៧ខ្នងនៅស្រុកឯកភ្នំ
- បាត់ដំបង
ខេត្តបាត់ដំបង ៖ ផ្ទះប្រជានេសាទដែលដែលសាងសង់បណ្ដែតលើផ្ទៃទឹកប្រមាណ០៧ខ្នង ត្រូវខ្យល់កន្ត្រាក់វាយទម្លាក់ទឹកទន្លេ បណ្ដាលឲ្យខូចខាតស្ទើរទាំងស្រុង កាលពីរសៀលថ្ងៃទី០៧ កក្កដា ស្ថិតនៅចំណុចភូមិអន្លង់តាអួរ ឃុំកោះជីវាំង ស្រុកឯកភ្នំ តែពុំបង្កឲ្យមានគ្រោះថ្នាក់ដល់មនុស្សទេ ។
សេចក្ដីរាយការណ៍បានឲ្យដឹងថា លំនៅឋានរបស់ប្រជាពលរដ្ឋ ដែលមានមុខរបរនេសាទ សាងសង់បណ្ដែតលើផ្ទៃជលសារាប់សិនឆ្នាំកន្លងមកនេះចំនួន០៧ខ្នង ត្រូវខ្យល់កន្ត្រាក់វាយប្រហារត្រឹមមួយប៉ព្រិចភ្នែក ប៉ើងធ្លាក់ទឹកខូចខាតអស់ស្ទើរទាំងស្រុង ។
អ្នកភូមិនេសាទបាននិយាយថា ជារឿយៗក្នុងរដូវវស្សា ពេលមានភ្លៀងធ្លាក់ម្ដងៗនៅតំបន់ទន្លេសាប គេសង្កេតឃើញតែមានខ្យល់ច្រើនជាងភ្លៀង ។ ពេលខ្លះ ខ្យល់បោកបក់ខ្លាំង តែពេលខ្លះមានបន្តិចបន្តួច ។ នៅថ្ងៃកើតហេតុ ខ្យល់បានបោកបក់យ៉ាងខ្លាំង រហូតបង្កើតជាខ្យល់កន្ត្រាក់វាយបំប៉ោងផ្ទះលើទឹករបស់ប្រជានេសាទប៉ើងធ្លាក់ទឹកជាបន្តបន្ទាប់ ។
មន្ត្រីមូលដ្ឋានបានប្រឹងប្រែងចុះជួយសង្គ្រោះភ្លាមៗ ដោយប្រើប្រាស់កាណូត ។ ផ្ទះសម្បែងនានាបានរបើករបាញ់ដំបូល និងជញ្ជីងប៉ើងធ្លាក់រប៉ាត់រប៉ាយលើទឹកទន្លេ ជាមួយនឹងសម្ភារ;ប្រើប្រាស់ ឬទ្រព្យសម្បត្តិផ្សេងៗ ។ ប៉ុន្តែភ្លាមៗ គេមិនទាន់ដឹងថា តើមានមនុស្សរងគ្រោះដោយសារបាតុភូតធម្មជាតិនេះនៅឡើយទេ ។
មន្ត្រីរដ្ឋបាលស្រុកឯកភ្នំបានប្រាប់ថា ផ្ទះបណ្ដែតលើទឹករបស់ប្រជានេសាទទាំងនោះ ភាគច្រើនមិនមានភាពរឹងមាំទេ ផុយស្រួយណាស់ បើមានខ្យល់កន្ត្រាក់វាយប្រហារបែបនេះ ។ ប៉ុន្តែយ៉ាងណា ពេលនេះសមត្ថកិច្ចនិងមន្ត្រីមូលដ្ឋានបាននិងកំពុងចុះពិនិត្យ និងធ្វើរបាយការណ៏ជាក់លាក់អំពីគ្រោះមហន្តរាយ ដោយបាតុភូតធម្មជាតិលើផ្ទៃជលសាខាងលើនេះហើយ ៕
ចែករំលែកព័តមាននេះ