រាជធានីភ្នំពេញ ៖ រៀងរាល់ថ្ងៃ ក្រុមការងាររបស់អង្គការ CSHD តែងតែចុះបំពេញបេសកកម្មនៅទីវាលផ្ទាល់ ដើម្បីធានាសុវត្ថិភាពជូនដល់បងប្អូនប្រជាពលរដ្ឋ។ ជាក់ស្តែង ក្នុងអំឡុងពេលប្រតិបត្តិការ នៅថ្ងៃទី០៧ កក្កដា ២០២៦នេះ បានទទួលសំណើរ និងធ្វើការកម្ទេចគ្រាប់មិនទាន់ផ្ទុះ (ERW) ចំនួន០២គ្រាប់ ដែលលាក់ខ្លួនក្បែរគល់ឈើក្រៀម និងដើមឈើ នេះបើយោងតាមអាជ្ញាធរកម្ចាត់មីនកម្ពុជា ។
អាជ្ញាធរមីន បានឲ្យដឹងបន្តថា ការស្វែងរកឃើញ និងកម្ទេចសំណល់ជាតិផ្ទុះពីសង្គ្រាមទាំងនេះ គឺដើម្បីធានាថា បងប្អូនប្រជាកសិករ និងក្រុមគ្រួសារនៅក្នុងសហគមន៍ អាចប្រកបរបរ និងធ្វើដំណើរនៅលើដីធ្លីរបស់ពួកគេដោយគ្មានការភ័យខ្លាច ។
អាជ្ញាធរមីន សូមថ្លែងអំណរគុណយ៉ាងជ្រាលជ្រៅចំពោះក្រុមការងារទីវាលទាំងអស់ ដែលបានខិតខំប្រឹងប្រែង ប្រកបដោយការប្រុងប្រយ័ត្ន និងស្មារតីទទួលខុសត្រូវខ្ពស់ ។
អាជ្ញាធរមីន សូមអំពាវនាវដល់បងប្អូនប្រជាពលរដ្ឋ នៅពេលប្រទះឃើញមីន គ្រាប់មិនទាន់ផ្ទុះ គ្រាប់បែកចង្កោម និងវត្ថុចំលែកសង្ស័យជាគ្រាប់ សូមកុំប៉ះពាល់ កែច្នៃ គប់ ដុំ ឬចល័តទៅទីណាមួយ គ្រាប់ទាំងនោះនឹងធ្វើឲ្យរបួស ពិការ ស្លាប់ គ្រប់ពេល និងសូមរាយការណ៍ជាបន្ទាន់ទៅអាជ្ញាធរមានសមត្ថកិច្ច ប៉ុស្តិ៍នគរបាល មេភូមិ មេឃុំ និងប្រតិបត្តិករបោសសម្អាតមីន តាមរយៈលេខទូរសព្ទ ៖ 012 800 473, 011 38 39 37, 097 489 5600, 066 612 613, 063 96 34 99 ៕
ចែករំលែកព័តមាននេះ